იუსტიციის სამინისტრო თანამშრომლის ტრაგიკულად გარდაცვალებასთან დაკავშირებით ოფიციალურ განცხადებას ავრცელებს და ყველას მოუწოდებს, მაქსიმალური სიფრთხილით მოეკიდონ საქმესთან დაკავშირებული ნებისმიერი ინფორმაციის გავრცელებას.
იუსტიციის სამინისტრო ღრმა მწუხარებას გამოთქვამს სამინისტროს თანამშრომლის ტრაგიკულად გარდაცვალებასთან დაკავშირებით და უსამძიმრებს ოჯახს, ახლობლებს, მეგობრებს და თანამშრომლებს.
შინაგან საქმეთა სამინისტროში დაწყებულია გამოძიება. იუსტიციის სამინისტრო ატარებს ყველა ღონისძიებას გამოძიების მაქსიმალური ხელშეწყობისთვის.
იუსტიციის სამინისტრო, საქმის სენსიტიურობიდან გამომდინარე, მოუწოდებს ყველას, მაქსიმალური სიფრთხილით მოეკიდონ საქმესთან დაკავშირებული ნებისმიერი ინფორმაციის გავრცელებას,”- აღნიშნულია განცხადებაში.
იუსტიციის სამინისტროს ეზოში ცხედარი ნახეს. გარდაცვლილია 28 წლის ქალი. ის იუსტიციის სამინისტროს ანალიტიკური სამსახურის თანამშრომელია. შემთხვევა გუშინ მოხდა.
კომენტარები