ენმ– ის წევრი დეპუტატი, რომან გოცირიძე:
“საქართველოში ეროვნული მოძრაობის პერიოდიდან დაწყებული დღემდე 50-100 ათასის ფარგლებში( ზუსტად ვერავინ ითვლის და მუდამ ინტერპრეტაციებია) სულ ხუთი-ექვსჯერ თუ გამოსულა ხალხი ქუჩაში. არ ყოფილა ამ ოცდაათი წლის განმავლობაში რაიმე მასშტაბური ღინისძიება, რომ არ მიმეღოს მაწილეობა, ბუნებრივია, გარდა ორისა: ოცნების აქცია “დინამოზე”(მაშინ 80 ათასი კაცი ეტეოდა) და თავისუფლების მოედანზე. პროევროპული აქციების ახლანდელი ციკლი უპრეცედენტოა-ზედიზედ სამჯერ, მოკლე დროის ინტერვალში ქუჩაში გამოვიდა( კლებადი რაოდენობით) ათეულ ათასობით ადამიანი. ამ ათასებს ოჯახებში ჰყავდათ ბევრჯერ მეტი გულშემატკივარი. ნუ გვავიწყდება, რომ დღეისათვის ქვეყნის მოსახლეობა მილიონზე მეტით არის შემცირებული და შრომისუნარიან ადამიანთა დიდი მასები უცხოეთში არიან წასული.
რა მინდა ამით ვთქვა: ქვეყანაში ხელისუფლებისადმი დამოკიდებულება რადიკალურად არის შეცვლილი. ის, რომ საპროტესტო გამოსვლებს “დაძაბულობა” აკლია, არაფერზე მეტყველებს. ნურც იმით განვსჯით, რომ კანცელარიის წინ ღამისსათევად მოპროტესტეთა მცირე რაოდენობა დარჩა. ამას გამართული მენეჯმენტი სჭირდება, მაგალითად, ისეთი, ნაციონალურმა მოძრაობამ რომ მოაწყო შიმშილობის აქცია მთავარ ოფისში. მსგავსი გამოცდილება და ალბათ რესურსები არა აქვს აქციის ორგანიზატორებს და მათ მიმართ სასაყვედურო არაფერია. სწორედ მათ გაუწიეს ორგანიზება ქუჩაში სტიქიურად გამოსული( არავის გამოუყვანია, არავის ჩამოუყვანია) ადამიანების ნების ცივილიზებულად წარმოჩინებას. ეს ის შემთხვევა იყო, როცა “ევროპა მართლა გავაოცეთ”.
ხელისუფლებამ მკვეთრი სიგნალი მიიღო. დეკემბრამდე არის დროს. თუ მოცემული შანსი მეორედაც ვერ(არ) გამოიყენა, ხალხის რისხვას ვერ გადაურჩება. გინდ ხავერდოვანი რევოლუცია უწოდეთ და გინდ პოლიტიკური კრიზის გამო დანიშნული რიგგარეშე არჩევნები, რომელსაც აუცილებლად მოჰყვება ხელისუფლების ცვლილება.
ხელისუფლება ახლა ეცდება დროის გაწელვას და ჩვეული ”ტრიუკების” შემოგდებას. თანაც ზაფხულია, თანმდევი განწყობილებით. მეორეჯერ ვერავის მოატყუებს. მხოლოდ ზეწოლაა ის გზა, რომელიც რეკომენდაციების შესრულებას აიძულებს. ზეწოლის ახალ მექანიზმებს ვერ გამოიგონებ-ესაა აქტიურობა გარეთ, აქტიურობა, შიგნით, აქტიურობა პარლამენტში და საკრებულოებში, აქტიურობა მედიაში და რაც მთავარია-ქუჩა. ბევრი, საშუალო, ცოტა, მაგრამ ცოცხალმა ქუჩამ არ უნდა მისცეს ხელისუფლებას მოსვენების საშუალება.
რაც შეეხება გუშინდელ აქციას, სკეპტიკოსებს მინდა ვუთხრა-ყველაფერი კარგადაა, რადგან ყველაფერი ნათელია. შეცდომა იქნება იმის გამეორება, რაც აქამდე იყო. რა იყო აქამდე-ამის გამეორება არ გვაწყენს.”
კომენტარები