აიათოლა ალი ხამენეის გამოსამშვიდობებელ და დაკრძალვის ცერემონიას 100 ქვეყნის წარმომადგენლები დაესწრებიან, მათ შორის სახელმწიფოს მეთაურები, პარლამენტის თავმჯდომარეები, საგარეო საქმეთა მინისტრები და მთავრობის სპეციალური წარმომადგენლები, – ირანული მედიის ცნობით, ამის შესახებ ირანის პარლამენტის სპიკერმა ესმაილ ბაღაიმ განაცხადა.
„ხსოვნისა და გამოსამშვიდობებელი ცერემონია პარასკევს, 3 ივლისს, დილის 8:00 საათზე დაიწყება, რომელშიც მონაწილეობას მიიღებენ მაღალი თანამდებობის პირები და საზოგადოებრივი ჯგუფები. ცერემონიას იმავე დღეს, შუადღისას, სხვადასხვა ქვეყნის მაღალი თანამდებობის პირები და პოლიტიკური ფიგურები დაესწრებიან“, – განაცხადა ესმაილ ბაღაიმ.
მისი თქმით, აიათოლა ალი ხამენეის გამოსამშვიდობებელი ცერემონია დაგეგმილია ასევე 4 და 5 ივლისს, თეირანში, იმამ ხომეინის მუსალაში. დაკრძალვის პროცესია დედაქალაქში 6 ივლისს გაიმართება. სამშაბათს, 7 ივლისს, პროცესია დაგეგმილია წმინდა ქალაქ ყუმში, ბოლო პროცესია კი ხუთშაბათს, 9 ივლისს, წმინდა ქალაქ მაშჰადში გაიმართება. ესმაილ ბაღაის განცხადებით, აიათოლა ალი ხამენეის მაშჰადში, იმამ რეზას წმინდა სალოცავში დაკრძალავენ.
კომენტარები