ტელეწამყვანი და საmოქალაქო აქტივისტი მისა მშვილდაძე წერს:
“სიმართლის თქმა თუ გინდა, ერთი კაცია საკმარისი, გოგაშვილის წერილები, მაგალითად – ზოგადად, თუ წერილებზე მიდგა საქმე, ნაღდები ესაა, მარა სხვა რამეზე ვწერ:
დღეს მეოთხე რომ შეუერთდა იმ სამ დეპუტატს, სიმართლე რომ უნდა ილაპარაკონ სოზარამ, ხუნდაძემ, ყაველაშვილმა და ბორჯომის, ასპინძის და კიდევ ზოგიერთი საკრებულოს თავმჯდომარის ყოფილმა მოადგილეებმა – ახლა მოძრაობა რომ დააფუძნეს – მაგათზე ვერ მივხვდი ერთ რამეს: სიმართლის თქმა თუ უნდათ, რაღას ელოდებიან, თქვან – თუ თქვეს უკვე და მორჩა თემა, ეგეც გვითხრან – ეს ხალხის დამატება და ნელ ნელა აგორება და სიქველის თიზერები რა საჭიროა?
რა საჭიროა, და ის საჭიროა, რომ მარკეტინგულ გეგმას მიყვებიან ვიღაცის, ამაში იწვებიან, რომ ვიღაც მართავს პროცესს – ხვალ მეხუთე და მეექვსეც გაეჩითებათ, ან ის ევროპელ სოციალისტებად გაყალბებული აზიელი კაპიტალისტები, ინჯია და ზილფიმიანი შეუერთდებიან და ფრაქცია ექნებათ, მეტის გაფუჭება შეეძლებათ – სიმართლე ოღონდ თქვეს უკვე თუ აწი აპირებენ, ეს არაა ჯერჯერობით ნათელი.”
კომენტარები