“ტვ იმედი” აუდიტის იმ დასკვნაზე წერს, რომელშიც მიხეილ სააკაშვილის ვიზიტებზეა საუბარი და წერს, რომ სააკაშვილი გერმანიაში დაგეგმილი ოფიციალური ვიზიტის შემდეგ, პირადი ვიზიტით გაემგზავრა ტაილანდში, ტაილანდიდან სინგაპურში, სინგაპურიდან კი საემიროებში, რაც ქვეყანას 213,385 ლარი დაუჯდა.
აუდიტის სამსახურის დასკვნას ხელს აწერს აუდიტის ყოფილი უფროსი ლაშა თოდრია.
“შემოწმებით დადგინდა, რომ 2012 წლის 22-24 მარტს ტაილანდში ქალაქ ფხუკეთში, სასტუმრო „AMANPURI”-თვის ანაზღაურებულია მიხეილ სააკაშვილის სასტუმროში ცხოვრების 2 დღის ხარჯი 60,543 ლარის ოდენობით. შესაბამისად, ერთი დღის ხარჯმა შეადგინა 30,271 ლარი. ამასთან, ამავე თარიღებში მისი თანმხლები პირის დავით ბაქრაძის ამავე სასტუმროში ცხოვრების ხარჯმა შეადგინა 16,652 ლარი. ასევე, ლევან ვარშალომიძეზე და რაფაელ გლუქსმანზე გაწეულმა სასტუმროს მომსახურების ხარჯმა შეადგინა – 5,983 და 5,983 ლარი. სულ ტაილანდსა და სინგაპურში 2012 წლის 22-25 მარტს გაწეულმა ხარჯმა შეადგინა 213,385 ლარი”. – წერს “ტვ იმედი”
“იმედი” აქვეყნებს მასალას 2011 წელზეც, სადაც ასევე აუდიტის სამსახურის დასკვნას იშველიებს:
“დოკუმენტების ურთიერთშეპირისპირებით დგინდება, რომ 2011 წლის 18-19 აგვისტოს მიხეილ სააკაშვილის სასტუმროში დაბინავება და ცხოვრება ფიქსირდება საფრანგეთის 2 სხვადასხვა სასტუმროში და აგრეთვე, ბათუმში მდებარე სასტუმრო შერატონის 2 სხვადასხვა ნომერში. ამასთან, აუდიტის ჯგუფისთვის წარმოდგენილი ხარჯების გაწევის დამადასტურებელი დოკუმენტებში დაფიქსირებულია, რომ 2011 წლის 18 აგვისტოს იტალიის ქალაქ მილანში პლასტიკურ ქირურგ ჯან-ლუჯა კანპილიოსთან სააკაშვილისთვის გაწეულია დერმატოლოგიური მომსახურების ხარჯი 10,017 ლარის (4200 ევრო) ოდენობით. ასევე, ამავე თარიღში მილანში რესტორან Acantomilano-ში სარესტორნო მომსახურებისთვის გადახდილია 1,933 ევრო, ანუ ეს ფაქტებით ხარჯები გაწეულია და ფიქსირდება, როგორც საფრანგეთის 2 სასტუმროში ერთდროულად ცხოვრების, ასევე ბათუმის სასტუმრო შერატონის 2 სხვადასხვა ნომერში ცხოვრების და იმავე თარიღში იტალიის ქალაქ მილანში დერმატოლოგიური და სარესტორნო მომსახურებისთვის ხარჯების გაწევის ფაქტები. ყველა ზემოაღნიშნული ფაქტის გათვალისწინებით, განხორციელებული ღონისძიებების რეალობისა და სახელმწიფო ბიუჯეტიდან მათ ანაზღაურებაზე გაწეული ხარჯების კანონიერების დადგენა ძიების საგანს წარმოადგენს“
კომენტარები