გუშინ, 9 ივნისს, 14 საათისთვის, “ევროპული საქართველოს” წევრმა ახმედ იმამყულევმა სოციალურ ქსელში გაავრცელა ინფორმაცია, სადაც სკოლის დირექტორს ინტიმური კადრების გავრცელებასა და შანტაჟში ადანაშაულებდა.
ახმედ იმამყულიევი:
“მივმართავ შინაგან საქმეთა სამინისტრო / Ministry of Internal Affairs of Georgia და საქართველოს პროკურატურა / The Prosecution Service of Georgia დაუყოვნებლივ დაიწყონ გამოძიება მარნეულის მუნიციპალიტეტის რესურს ცენტრის მ/შ ზ. გ.ს შესახებ. ვრცელდება ინფორმაცია მას ზე რომ მან დირექტორად მუშაობის პერიოდში ამავე სკოლის მასწავლებელთან ინტიმური ურთიერთობა ფარულად გადაიღო ვიდეო და მერე ეს ვიდეო გაასაჯაროვა. ამის შესახებ ღიად წერს ერთ ერთმა პიროვნებამ თავის ფბ გვერდზე (აზერბაიჯანულად) და ჯორის დონეზე საუბრობს საზოგადოება რომ მან ამ ვიდეოთი აშანტაჟებდა ქალბატონს (მასწავლებელს)”
დღეს, 10 ივნისს, შსს-მ განცხადება გაავრცელა:
შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1971 წელს დაბადებული ზ.გ. პირადი ცხოვრების საიდუმლოს ხელყოფის ბრალდებით დააკავეს.
დანაშაული 4-დან 7 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულმა უკანონოდ, ფარულად გადაიღო ნაცნობ ქალთან ინტიმური ურთიერთობის ამსახველი ვიდეო და ფოტომასალა, რის შემდეგაც აღნიშნული მასალა უკანონოდ გავრცელდა.
პირადი ცხოვრების საიდუმლოს ხელყოფის ფაქტზე გამოძიება საქართველოს სისხლის სამართლის კოდექსის 157-ე პრიმა მუხლით მიმდინარეობს.
ამ ისტორიის შემდეგ, იმედი გაგვიჩნდა, ოდესმე ჩვენ თუ ვიპოვნით ესებუას, შსს მეორე დღესვე დააკავებს.
“ალიამ” სკოლის და დირექტორის ვინაობა ამოიღო წერილიდან, (უნახავს უკვე შსს-ს), რათა მსხვერპლის ვინაობის გამჟღავნებაც არ მოხდეს,
კომენტარები