საქართველოს ყოფილი თავდაცვის მინისტრი თინა ხიდაშელი ევროპარლამენტის წამყვანი დეპუტატების მიერ გაკეთებულ განცხადებას ეხმიანება. რომლითაც ქართველი ოპოზიციონერის გიგი უგულავას დაკავების ფაქტს ეხმაურებიან.
„იძახეთ ეხლა ათასი სისულელე… ჩამოყალიბდით ალბათ უკვე რომ სუვერენული ევროპული საქართველოს ნაცვლად დემოკრატიული მსოფლიოსგან იზოლირებული ჩიხი გინდათ“ – წერს თინა ხიდაშელი.
„დამოუკიდებელი და მიუკერძოებელი სასამართლო სისტემა, რომელსაც აქვს საზოგადოების მაღალი ნდობა, დემოკრატიის მნიშვნელოვანი საყრდენია. გარდა ამისა, ეს ასოცირების ხელშეკრულებით გათვალისწინებული საქართველოს პასუხისმგებლობაა. სამწუხაროდ, უზენაეს სასამართლოს გადაწყვეტილება უგულავას საქმეზე აჩენს კითხვებს, რომელიც კავშირშია პროცედურებთან, ვადებთან და გადაწყვეტილების მოტივებთან. გარდა ამისა, ეს მოვლენა ისედაც დაძაბულ პოლიტიკურ სიტუაციას ამწვავებს. საპარლამენტო უმრავლესობასა და ოპოზიციას შორის დიალოგის კონსენსუსი საარჩევნო რეფორმასთან დაკავშირებით, რომელიც ხალხის ნებას გამოხატავს, უმნიშვნელოვანესია. ჩვენ გავაგრძელებთ ჩვენს მჭიდრო ურთიერთობას საქართველოს პარლამენტთან დემოკრატიისთვის ასეთ კრიტიკულ დროს“- აცხადებენ ევროპარლამენტში.
განცხადებას ხელს აწერენ ევროპარლამენტის საგარეო საქმეთა კომიტეტის თავმჯდომარე დევიდ მაკალისტერი, საქართველო-ევროკავშირის საპარალამენტო ასოცირების კომიტეტის თავმჯდომარე მარინა კალიურანდი და საგარეო საქმეთა კომიტეტის მუდმივმოქმედი წარმომადგენელი საქართველოს შესახებ სვენ მიკსერი
კომენტარები