კორონავირუსის გავრცელების თავიდან აცილების ღონისძიებების ფარგლებში, იაპონიის პრემიერ-მინისტრმა, სინძო აბემ პრეფექტურებს მოსთხოვა, ქვეყნის მასშტაბით სასწავლო პროცესი დროებით შეჩერდეს. ამის შესახებ ინფორმაციას იაპონური მედია ავრცელებს.
იაპონიის პრემიერ-მინისტრის გადაწყვეტილება 2 მარტს ამოქმედდება და ძალაში საგაზაფხულო არდადაგების დაწყებამდე შევა, და მარტის ბოლომდე გაგრძელდება. თუ მთავრობამ დამატებითი განკარგულება არ გამოსცა, მოსწავლეები სკოლებში აპრილში დაბრუნდებიან.
ხოკაიდოს პრეფექტურამ და ქალაქ ოსაკამ უკვე გამოსცეს განკარგულება სასწავლო პროცესის შეჩერებაზე.
ამჟამად იაპონიაში კორონავირუსით ინფიცირების 900-ზე მეტი შემთხვევა დაფიქსირდა, ხოლო 8 ადამიანი გარდაიცვალა. ინფიცირებულების უმეტესობა საკრუიზო ლაინერის Diamond Princess-ის მგზავრი იყო.
კომენტარები