პოლიტიკოსი, დავით ჭიჭინაძე, “ტვ პირველთან” სოსო გოგაშვილისთვის ბრალის დამძიმებაზე, პირადი ცხოვრების ფაილების გამოქვეყნებაზე საუბრისას, ამბობს:
გვახსოვს მაჩალიკაშვილის ამბავიც, დიდი ხნის განმავლოაბში გვესმოდა რომ გოგაშვილმა გასცა ბრძანება, საბოლოო ჯამში გამოვიდა, რომ გომელაურს გაუცია ბრძანება, მას ექვემდებარება სპეცრაზმი, ერთ ადამაიანს ფიზიკურად რო არ ეყოფა, როგორ შეიძლება ერთმა ადამიანმა ყველაფერს გადაუღოს, ყველაფერს უსმინოს, ფაილები უამრავი ოდენობითაა. 2021 და 2022 წლის სატელეფონო საუბრები რომ ვნახეთ, იმასაც გოგაშვილი უსმენდა? ცდილობენ ბრალდება ერთ ადამიანამდე დაიყვანონ.
წინა ხელისუფლების დროს, ნაციონალურ მოძრაობას ხელს უწყობდა და ამარაგებდა ტექნიკით და არ მალავდა ამას ბიძინა ივანიშვილი. ეს რომ ერთმა ადამიანმა გააკეთა, გოგაშილმა, ეს იმდენად აბსურდია… ტექბიკური შემსრულებელი გოგაშვილი ვერ იქნებოდა, მაშინ კაბინეტში არ უნდა მჯდარიყო. თუ ასე ადვილია ერთი კაცის მიერ ამის განხორციელება, რა საჭიროა სუსი? გომელაურმა თუ ამის შესახებ არ იცოდა, მაშინ რა გარანტია გვაქვს, რომ ახლაც არ იცის ლილუაშვილმა და ახლაც არ ხდება?
პირდაპირ გეტყვით, ბევრი მინახავს ოცნებაში ადამიანი, რომელსაც გარკვეული პოზიცია ჰქონდა რაღაცასთან მიმართებაში, და მერე დაპატარავებულა, ანუ რაღაც ზემოქმედება ჩაატარეს მასზე. დეპუტატი არის პოლიტიკური ფიგურა, ის თუ იწყებს რაღაცაზე საუბარს და მერე ატორმუზებს, ხალხისთვის სასიკეთო საუბარს ვგულისხმობ, უკვე მიჩნდება ეჭვი, რომ მასზე რაღაც ზემოქმედება მოხდა. მეორე – როდესაც უმრავლესობიდანა გადიოდნენ დეპუტატები, სიით გასული დეპუტატები რატომ ტოვებდნენ პარლამენტს?
ის პოლიტიკოსები, ვინც ოცნებაშია და უსმენენ, მასზეც ექნებათ კინოები გადაღებული. მანიაკალურია, რატომ უნდა გაინტერესებდეს სხვისი პირადი ცხოვრება. აქვთ კომპრომატებად, რომლითაც ისინი მოთოკილი ჰყავთ.
კომენტარები