გოგა ხაინდრავას სასარგებლოდ, თბილისის საქალაქო სასამართლომ ტელეკომპანია ფორმულას “მორალური ზიანის” ანაზღაურება – 10 000 ლარის ოდენობით დააკისრა. გარდა ამისა “შაბათის ფორმულას” დაევალა იმ ფაქტების უარყოფა, რაც სადავო რეპორტაჟში გავიდა.
მოსამართლე ლიანა კაჟაშვილმა ხაინდრავას სასარჩელო მოთხოვნის ყველა პუნქტი სრულად დააკმაყოფილა.
ხაინდრავას სარჩელის საფუძველზე პროკურატურამ TV ფორმულას წინააღმდეგ სისხლის სამართლის წესით გამოძიება 16 ივნისს დაიწყო. უწყების ინფორმაციით, საქმე ცრუ დასმენის ბრალდებით აღიძრა. ხაინდრავა ტელეკომპანიას მის წინააღმდეგ ცრუ და ცილისმწამებლური ინფორმაციის გავრცელებაში ადანაშაულებს. მისი თქმით, ფორმულას ეთერში გავიდა რეპორტაჟი, რომლის მიხედვითაც, კინორეჟისორი საქართველოს ტერიტორიაზე ადამიანებით ვაჭრობას ახორციელებდა და ქრთამის სანაცვლოდ 2 000 ადამიანის შემოყვანაში მონაწილეობდა, რის შედეგადაც, ოთხი მილიონი დოლარი მიიღო.
კომენტარები