გირჩი-მეტი თავისუფლებამ სამედიცინო კანაფი დათესა. პარტიის ლიდერის, ზურა ჯაფარიძის თქმით, თესლი, რომელიც პირდაპირ ეთერში დათესა, ნარკოტიკულ ნივთიერებას არ შეიცავს და ის არაერთი სამედიცინო დანიშნულებით გამოიყენება. ჯაფარიძის განმარტებით, მისი მიზანია, CBD-ის შემცველი პროდუქტები ლეგალური გახდეს და არ იყოს დასჯადი.
ამ მოთხოვნით გირჩი ჯერ საქალაქო, შემდეგ კი საკონსტიტუციო სასამართლოსთვის მიმართვასაც გეგმავს.
როგორც პარტიის წევრები ამბობენ, მათ ნაყიდი აქვთ სამედიცინო კანაფი, რომლის საქართველოში შემოტანის უფლებაც არ მისცეს. ისინი სასამართლოს გზით სწორედ ამ უფლების მოპოვებას ეცდებიან.
ამასთან, როგორც გირჩი-მეტი თავისუფლების წევრებმა თქვეს, გაზრდის შემდეგ კანაფს სამხარაულის ექსპერტიზის ბიუროშიც წაიღებენ, რათა დაადასტურონ, რომ არ შეიცავს თრობისთვის საჭირო კომპონენტებს და არ არის ნარკოტიკული საშუალება.
კომენტარები