ფოტო – CNN
CNN-ი წერს იტალიელ მამაკაცზე, ტულიო მასონიზე რომელსაც პატარა ვენახი მე-16 საუკუნის პალაცოს სახურავზე აქვს გაშენებული. ღვინოს პალაცოს მისამართის სახელი აქვს – Via Mari 10 და ერთი ბოთლის ფასი კი 5 ათასი დოლარია.
„მამაჩემმა ნამდვილი ვენახი დამიტოვა მემკვიდრეობით, მაგრამ მივხვდი, რომ მასზე იმაზე მეტ ფულს ვხარჯავდი, ვიდრე ვიღებდი, ამიტომ გავყიდე. 20 წლის შემდეგ ვინანე და ჩემთვის “ჯიბის ვენახი” გავაშენე“, – განაცხადა მასონიმ CNN-თან
ყოველწლიურად ის მხოლოდ 29 ბოთლ წითელ ღვინოს აწარმოებს. ბოთლები არა ღვინის მაღაზიაში, არამედ ხელოვნების გალერეაში იყიდება:
„ჩემი ღვინო არტისტული, ფილოსოფიური პროვოკაცია, მას სასტუმრო ოთახში დადებთ და შემდეგ მეგობრებს მოუყვებით ერთი გიჟის შესახებ, რომელმაც სახურავზე ვენახი გააშენა“, – განმარტავს მასონი.
ვაზი მოქანდაკე ოსკარ აკორსის მიერ შექმნილ გისოსებზე იზრდება, ღვინო მოქანდაკის, ლორენცო მენოზის მიერ შექმნილ კასრებში ინახება, ბოთლების ეტიკეტის ავტორი კი Marvel-ის კომიქსების მხატვარი ჯუზეპე კამუნკოლია.
მასონი მყიდველებს მოუწოდებს ბოთლები არ გახსნან.
„ღვინის ერთადერთი მწარმოებელი ვარ მსოფლიოში, რომელიც ამბობს, რომ მისი ღვინო არ უნდა დალიოთ“, – ამბობს მასონი.
კომენტარები