“გერმანულმა პრეცედენტმა რუსეთისათვის დამამცირებელი ელფერი შეიძინა” – რომან გოცირიძე

დეპუტატი, რომან გოცირიძე:

“გერმანულმა პრეცედენტმა რუსეთისათვის კომიკური და დამამცირებელი ელფერი შეიძინა.

გასულ წელს ევროკავშირმა მიიღო გადაწყვწტილება, რომ აკრძალულიყო რუსეთიდან 160 დასახელების საქონლის იმპორტი. მიუხედავად იმისა, რომ აღნიშნული წესი თითქმის ერთი წელია რაც მოქმედებს, მხოლოდ ორი თვის წინ გერმანიის საბაჟოს ერთ-ერთი მოხელის მიერ მიღებულმა გადაწყვეტილებამ თავდაყირა დააყენა ყველაფერი-მან გერმანიაში ჩასულ რუსეთის ერთ-ერთ მოქალაქეს ავტომობილი ჩამოართვა. ეს პირადი მოხმარების ქონებაა და არა გასაყიდად შემოტანილიო, გააპროტესტა მოქალაქემ. მებაჟემ დააძრო ევროკავშირის გადაწყვეტილება, სადაც არ იყო დაკონკრეტებული, ეხებოდა თუ არა გამონაკლისი პირად ნივთებს. ამასობაში კი, მანქანის კონფისკაციაც განხორციელდა სახელმწიფოს სასარგებლოდ.

როგორ განვითარდა ამის შემდეგ მოვლენები? ევროკომისიამ ორიოდე დღის წინ გაავრცელა განმარტება, რომ ეს წესი ეხება ყველა სანქცირებულ საქონელს, შეაქვს ეს ევროკავშირში ფიზიკურ თუ იურიდიულ პირს, პირადი მოხმარების თუ გაყიდვის მიზნით. გამოდის, რომ ევროპაში შესვლისას ჩამოგართმევენ არა მხოლოდ ავტომობილს, არამედ მობილურ ტელეფონს, პარფიუმერიას, კბილის პასტას, საპონს, ფოტოაპარატს, ფეხსაცმელს, კაბას და ასე
შემდეგ.

იმ კაბის ჩამორთმევას როგორ მოახერხებენ, რომელიც ტანზე აცვიათ, ნამდვილად ვერ გეტყვით?. ძალიან გაუმართლებთ, თუ შარვალი და მაისური არ შედის სანქცირებული საქონლის ჩამონათვალში. ამით შეიძლება შეაღწიონ ევროპაში, ვიზას თუ გამოჰკრეს ხელი, მაგრამ ფეხსაცმელს რას უზამენ? სანახავია, სპორტული გორგოლაჭები თუ არის დასაშვები.?

ევროკომისიის განმარტებით, ყველა ქვეყანას ეძლევა უფლება გადაწყვიტონ, პირადი მოხმარების საგნებზე თუ როგორ გამოიყენებენ ამ წესს. როგორც ამბობენ, ფინეთი ჯერჯერობით არ აპირებს ავტომობილების კონფისკაციას, სამაგიეროდ გერმანიამ ბოლომდე დავიცავთ დადგენილებასო.

ჰო, კინამ დამავიწყდა, ქალის და კაცის საცვლებიც სანქცირებულია”