“გავალთ პარლამენტიდან, თავს არ მოგატყუებინებთ!” – მამუკა ხაზარაძე მმართველ გუნდს

“ლელოს” ლიდერი მამუკა ხაზარაძე ინიციატივით გამოდის:

“მოვისმინეთ ქართული ოცნების ხელძღვანელობის პოლიტსაბჭოს განცხადება, რომ თქვენ აგრძელებთ და აპირებთ მოსამართლეების დანიშვნის პროცესის გაგრძელებას. მე მინდა გითხრათ, რომ ეს არის უხეში დარღვევა იმ შეთახმების, რომელზეც ჩვენ ხელი მოვაწერეთ, შარლ მიშელის დოკუმენტი მაქვს მხედველობაში. ეს არის უგულებელყოფა ვენეციის კომიის თითქმის ყველა რეკომენდაციის.

მინდა, გავაჟღერო ფრაქცია ლელო პარტნიორობა საქართველოს ინიციატივა და ვთხოვო ოპოზიციას, რომ გაიზიაროს ეს ინიციატივა, რომ თუ ქართული ოცნება მსგავსი მეთოდით დაიწყებს ამ საკითხის ფორსირებას, ანუ მოსამართლეების დანიშნვის პროცესს, მე მინდა მოვუწოდო სრულიად ოპოზიციას, რომ ჩვენ გავალთ პარლამენტიდან და დარჩებით მარტო. თავს არავის მოვატყუებინებთ და არ გაპატიებთ არავინ, ჩვენი შვილები და ჩვენი მომავალი არავის აპატიებს აი, ამ ძალიან იაფფასიან პოლიტიკურ სვლებს. ჩვენ აქ მოსული ვართ იმისთვის, რომ ხვალინდელ დღეზე ვიმსჯელოთ და თუ ხელშეკრულების პატივისცემა არ იცით, თუ ხელშეკრულების შესრულება არ იცით, მოგიწევთ ეს ხელშკრულება წეროთ თქვენ თვითონ, ცალკე ჩვენ გარეშე”

ქართული ოცნების თავმჯდომარე ირაკლი კობახიძემ დღეს, 23 ივნისს პარტიის პოლიტსაბჭოს შემდეგ ბრიფინგი გამართა და თქვა, რომ საქართველოს პარლამენტი მოუსმენს თითოეულ კანდიდატს და მიიღებს გადაწყვეტილებებს მათი განწესების შესახებ. 

ოპოზიცია მოუწოდებს ხელისუფლებას, შეაჩეროს მოსამართლეთა დანიშვნის პროცესი.

ამერიკის შეერთებული შტატების ელჩი საქართველოში, კელი დეგნანი უკვე არაერთგზის აცხადებს, რომ პარლამენტი ვალდებულია, შეაჩეროს უზენაეს სასამართლოში უვადო მოსამართლეთა დანიშვნის პროცესი, როგორც ეს გათვალისწინებულია 19 აპრილის შეთანხმებით. 

მოწოდებების მიუხედავად, 17 ივნისს იუსტიციის უმაღლესმა საბჭომ უზენაეს სასამართლოში უვადოდ დასანიშნად წარდგენილ 9 მოსამართლეს მხარი დაუჭირა – მოსამართლეთა სია დასამტკიცებლად პარლამენტს გადაეგზავნა.

სია შემდეგნაირად გამოიყურება:

• გიორგი გოგიაშვილი
• გოჩა აბუსერიძე
• ლევან თევზაძე
• ქეთევან მესხიშვილი
• გიორგი შავლიაშვილი
• რევაზ ნადარაია
• ბიძინა სტურუა
• ეკა ზარნაძე
• ლაშა ქოჩიაშვილი

​კელი დეგნანმა, კარლ ჰარცელმა და ნატალია ვუტოვამ 21 მაისსაც მიმართეს წერილით მმართველ გუნდს და მას შეახსენეს შარლ მიშელის დოკუმენტით აღებული ვალდებულებები. მიმართვაში წერია, რომ ამ ვალდებულებების შესრულებაზე იქნება დამოკიდებული საქართველოს ფინანსური დახმარება.