“გამოიყურებოდა უაღრესად მხნედ” – სააკაშვილის ადვოკატი

ბექა ბასიალაი, მიხეილ სააკაშვილის ადვოკატი, ცოტა ხნის წინ ციხეში იყო, სადაც მესამე პრეზიდენტი მოინახულა და ციხიდან გამოსვლის შემდეგ, მედიასთან თქვა:

“მიშას შევხვდით შეხვედრების ოთახში, ის იყო მორალურად მხნედ, არის ფიზიკური სისუსტე, მაგრამ ის აპირებს იყოს ენერგიულად და ძლიერად. შიმშილობის გადაწყვეტილებას ის არ შეცვლის, მორალური მხნეობა აძლევს მას ძალას გადაადგილდეს.

დღეს გამოიყურებოდა მორალურად უაღრესად მხნედ, თუმცა, წნევის ცვალებადობამ უკვე მიიღო პრობლემური სახე, მოწადინებული ვართ სამედიცინო კონსილიუმი სწრაფად ამოქმედდეს და პირად ექიმს უნდა ჰქონდეს ყოველდღიური შეხება.

მორალური მხნეობის მიუხედავად, შიმშილობის ყოველი დღე მის ჯანმრთელობას აუარესებს.

ჩვენ ვხელმძღვანელობთ სააკაშვილის განცხადებებით, ეს არის პრინციპული შიმშილობა პრინციპულ მოთხოვნებზე – საიმისოდ რომ მის სიცოცხლეს არ შეექმნას საფრთხე, უმნიშვნელოვანესია ქართველი ხალხის აქტიობა, რომ ის გათავისუფლდეს და დაიწყოს ქართული ოცნების ხელისუფლებიდან ჩამოშორების პროცესი – საუბარია მეორე ტურებზე.

მთავარი რეფორმატორის, მესამე პრეზიდენტის პოზიციაა, გადამწყვეტი სიტყვა უნდა თქვას ქართველმა ხალხმა, რომ ოლიგარქიული, პრორუსული რეჟიმი აღარ იყოს ხელისუფლების სათავეში. “