ჟურნალისტი ირაკლი ტაბლიშვილი სოციალურ ქსელში წერს:
“სერიოზული ანალიზია საჭირო და არა ზედაპირული და ანდაზებით გაჯერებული.
ჰოდა, ეს:
“ჩემი მისია შესრულებულია. მივიღე გადაწყვეტილება, საბოლოოდ დავტოვო პოლიტიკა და სრულად ჩამოვცილდე მართვის სადავეებს. მე ვტოვებ როგორც პარტიის თავმჯდომარის პოსტს, ისე საკუთრივ პარტიასაც და ჩემს 2011 წლამდელ, კერძო ცხოვრების წესს ვუბრუნდები. “
ჩემი აზრით, სხვა მრავალთა შორის, ეს აბზაცი ძალზედ საინტერესოა.
ივანიშვილი პირველად ხმარობს სიტყვებს – საბოლოოდ! სრულად! 2011 წლამდელი ცხოვრება.. კერძო ცხოვრება…
რაც ტოვებს განცდას, რომ ის მართლაც მიდის! ყოველ შემთხვევაში, უნდა წასვლა… წასვლის საჭიროებას ხედავს (თუ რატომ, ეს ცალკე განსახილველია).
ახლა კითხვაა – მოარხებს კი?
ანუ, როცა “ოცნებას” გაუჭირდება, მისი ლიდერები არ აუტალახებენ კარს ბ-ნ ივანიშვილს? არ სთხოვენ მესამედ თუ მეოთხედ მოსვლას? არ დაუსაბუთებენ, რომ რევანში ახლოვდება და სწორედ ის – ბიძინაა მხსნელი?
რომც არ ქნან ეს, თავად ივანიშვილს, იგრძნობს რა “ოცნების” მარცხის საფრთხეს, თავად არ მოესურვება უკან შემობრუნება?
ჰოდა, ამ ზედაპირულ ანალიზს:
“არსად არ მიდის!” .. მიდის და რჩება!.. ახლა მიდიხარ ძმაო? ან მსგავსები, სჯობს, დავსვათ თუნდაც პასუხგაუცემელი კითხვები…
გახარიას რომ გაუჭირდება, ბიძინასთან არ მივა?
და თუ მივა, ის უკან გამოაბრუნებს?”
კომენტარები