გაეროს უშიშროების საბჭოში რუსეთმა ვეტო დაადო აშშ-სა და ალბანეთის მიერ მომზადებულ რეზოლუციას, რომელიც გმობს მოსკოვის მიერ უკრაინის ნაწილების ანექსიას.
აღსანიშნავია, რომ რეზოლუციის პროექტს მხარი დაუჭირეს ალბანეთმა, დიდმა ბრიტანეთმა, განამ, ირლანდიამ, კენიამ, მექსიკამ, ნორვეგიამ, არაბთა გაერთიანებულმა საამიროებმა, აშშ-მა და საფრანგეთმა.
თავი შეიკავეს ბრაზილიამ, გაბონმა, ინდოეთმა და ჩინეთმა.
რეზოლუციის პროექტში დაგმობილი იყო უკანონო რეფერენდუმები, რომლებიც უკრაინაში, რუსეთის მიერ ოკუპირებულ ტერიტორიებზე გაიმართა და შეიცავდა ქვეყნების მიმართ მოწოდებას, არ აღიარონ უკრაინის საზღვრების ცვლილება. რეზოლუციის პროექტის ავტორები ასევე მოუწოდებდნენ რუსეთს, დაუყოვნებლივ გაიყვანოს ჯარები უკრაინიდან.
კომენტარები