ქართული ოცნების დეპუტატი, თენგიზ შარმანაშვილი, მედიასთან, გიორგი ბახუნაშვილის მაგალითზე ხსნის, რა ჰგონია სპეცსამსახურების საკადრო პოლიტიკა, თუმცა, არ ხსნის, მინისტრის მოადგილის თანამდებობასა და სპეცსამსახურების საკადრო პოლიტიკას შორის, რა საერთო დაინახა და რატომ.
“ვისაც ჰყავს პირადი დაცვა, ეს პირადი დაცვა არ არის ჩვეულებრივი ადამიანები – მე თქვენ მომწონხართ და იმიტომ ხართ ჩემი პირადი დაცვა. ისინი არიან სახელმწიფო დაცვის სპეციალური სამსახურის წარმომადგენლები, ანუ სპეცსამსახურელები, ეს კაცი არის სპეცსამსახურელი. ამ სპეცსამსახურებიდან შეიძლება ერთი უწყებიდან მეორეში გადაიყვანონ ან ისევ უკან დააბრუნონ, ან წინ წაწიონ, ან უკან ჩამოწიონ. ეს არის სპეცსამსახურების საკადრო პოლიტიკა”, – ამბობს ის.
ბახუაშვილი იქამდე ივანიშვილის შს მინისტრის მოადგილე იყო. ის პოსტზე არასრული ერთი თვის წინ, 10 ივნისს დაინიშნა. იქამდე კი, 2026 წლის 23 მაისიდან შსს-ს გენ.ინსპექციის დირექტორის პოზიციას იკავებდა. 6 ივლისს ის სუსის უფროსის მოადგილე გახდა.
კომენტარები