ევროპარლამენტმა მხარი დაუჭირა ევროკომისიის წინადადებას, EU-ში შემზღუდავი ზომების [სანქციების] დარღვევისთვის სისხლისსამართლებრივი პასუხისმგებლობისა და სასჯელის განსაზღვრის შესახებ.
სანქციების დარღვევისა და გვერდის ავლის კრიმინალიზაციის შესახებ, წევრ ქვეყნებთან შეთანხმებული დირექტივა, ევროპარლამენტმა 543 ხმით მიიღო, წინააღმდეგი 45 იყო, 27-მა კი თავი შეიკავა.
“რუსული შემოჭრა სარგებლობს იმით, რომ თაღლითები არღვევენ კანონს ევროპაში. ისინი უნდა დაიჭირონ და ფორუმზე შოპინგი უნდა შეწყდეს. ჩვენ გვჭირდება ეს კანონმდებლობა, რადგან განსხვავებულმა ეროვნულმა მიდგომებმა შექმნა სისუსტეები და ხარვეზები და ის საშუალებას მისცემს გაყინული აქტივების კონფისკაციას. პარლამენტმა მიიღო კანონისადმი ამბიციური, ჰარმონიზებული მიდგომა და მიუხედავად იმისა, რომ ჩვენ ვერ გადავჭერით ყველა ის ხარვეზი, რაც გვინდოდა, ეს არის არსებული მდგომარეობის გაუმჯობესება და აჩვენებს ჩვენს მტკიცე მხარდაჭერას უკრაინის მიმართ.” – განაცხადა მომხსენებელმა სოფი ინ თველდმა.
ახალი კანონი, სანქციების დარღვევის ან გვერდის ავლის შემთხვევაში, ჯარიმას და, ზოგ შემთხვევაში, თავისუფლების აღკვეთასაც ითვალისწინებს. კანონი საბჭომ ჯერ კიდევ ფორმალურად უნდა დაამტკიცოს. ის ძალაში EU-ში ოფიციალურ ჟურნალში გამოქვეყნებიდან ოცი დღის შემდეგ შევა.
კომენტარები