ჰამასის ტერორისტულმა ორგანიზაციამ განაცხადა, რომ ისრაელელ-ამერიკელ მძევალს, ედან ალექსანდერს გაათავისუფლებენ, რომელიც ღაზის სექტორში ტყვეობაში 550 დღის განმავლობაში იმყოფებოდა.
წყაროების თქმით, ალექსანდერის გათავისუფლება ჰამასის მხრიდან პრეზიდენტ ტრამპის მიმართ ჟესტად მიიჩნევა იმ ფონზე, როცა აშშ-ს პრეზიდენტი ახლო აღმოსავლეთში ვიზიტებს იწყებს.
ცნობისთვის, ალექსანდერი ერთადერთი ამერიკის მოქალაქეა, რომელიც ცოცხალია. სულ 59 მძევალი ჰყავდა ჰამასს და მხოლოდ 24 მათგანია ამ ეტაპზე ცოცხალი.
Reuters-ის ცნობით, ღაზაში ჰამასის მეთაურმა, ხალილ ალ-ჰაიამ განაცხადა, რომ ალექსანდერის გამოშვებაში მონაწილეობას ერთობლივად კატარი, ეგვიპტე და თურქეთი იღებდნენ.
მანამდე, Reuters წყაროზე დაყრდნობით წერდა, რომ ღაზის სექტორში ცეცხლის შეწყვეტის შეთანხმებისა და ჰუმანიტარული დახმარების შეშვების თაობაზე აშშ-ს ტრამპის ადმინისტრაციასა და ჰამასს შორის მოლაპარაკებები მიმდინარეობდა.
კომენტარები