მეჯვრისხევის ათეულობით ჰექტარი ტერიტორია შესაძლოა ე.წ. საზღვრის მიღმა აღმოჩნდეს. სოფელში პატრულირებენ რუსი ფორმიანები, რომლებიც უკანონო ქმედებებს არ წყვეტენ. სამხედროების სამიზნე სოფლის სასაფლაო, სამი სახლი და რამდენიმე მიწის ნაკვეთია. რუსმა ოკუპანტებმა თეთრი ლენტებით უკვე მონიშნეს ათობით ჰექტარი, რას იმას ნიშნავს, რომ აღნიშნული მიწები ოკუპირებულ ნაწილში მოჰყვება.
ადგილობრივები ხელისუფლების მხრიდან უყურადღებობაზე საუბრობენ და ამბობენ, რომ ბოლო დღეების განმავლობაში სოფელში არსებული ვითარების გასაცნობად არავინ მისულა.
”ამაზე მძიმე რაღა უნდა იყოს როცა საკუთარ ტერიტორიაზე შემოდიან და გართმევენ სახლსა და კარს. ეს უკვე არის ნიშანი, რომ უნდა ვიომოთ. მე წამსვლელი აქედან არა ვარ. დაგვიდგება მთავრობა გვერდში, დაგვიდგება, არადა ჩვენ ჩვენი ძალებით” ამბობს ერთ ერთი ადგილობრივი.
ამ მძიმე ვითარების მიუხედავად, სახელმწიფო უსაფრთხოების სამსახურში ამტკიცებენ, რომ უკანონო ბორდერიზაცია ქართული მხარის მიერ კონტროლირებად ტერიტორიაზე არ მიმდინარეობს.
კომენტარები