“ეს ტოქსიკური მანიაკების კოლექცია? რად მინდა ასეთი პოლიტიკოსი ოპოზიციაში?” – ლაშა ბუღაძე

მწერალი, ლაშა ბუღაძე:

პოლიტიკოსი, რომელიც ოპოზიციონერად წარმოაჩენს თავს და ჟურნალისტს უწოდებს ნაგავს, სუნიანს, ვერავითარ შემთხვევაში ვერ ჩაითვლება ალტერნატივად.

შენ პოლიტიკოსი რომ ხარ და რომ გინდა ხელისუფლებაში მოხვიდე, ბევრი შენს გვერდზე ვინც არის, უკვე იყო ხელისუფლებაში, ბრაზდებოდა ჟურნალისტების კრიტიკულ რეპორტაჟებზე, მათი მეშვეობით, ჩართულობით, კრიტიკულ ჟურნალისტებს აგდებდნენ ტელევიზიებიდან, უხურავდნენ გადაცემებს… იგივე პოლიტიკოსები, რომლებიც გვინახავს, როგორ ექცეოდნენ თავისუფალ სიტყვას… ახლაც გამოდის პოლიტიკოსი და ლაპარაკობს, რომ ჟურნალისტი არის ნაგავი და ასეთი და ისეთი, იმიტომ რომ იმიტომ, ეს ადამიანი რომ მოვიდეს ხელისუფლებაში ამ ჟურნალისტს ან მოუწევს ჩაჩუმება და შეგუება, ან უნდა გააგდოს და შეიძლება დაიჭიროს.

ყველას თავისი ჯგუფი ჰყავს, ზოგიერ ოპოზიციონერს ტროლებიც ჰყოლია, თურმე. კრებითად ვამბობ, თუმცა, ყველა შეიძლება მიხვდეს ვისაც ვგულისხმობ. თქვენ იყავით ხელისუფლებაში, და პრობლემები გქონდათ ჟურნალისტებთან, ახლაც იგივეს აკეთებთ და ისევ გინდათ ხელისუფლებაში მოსვლა, – ეს პრობლემაა. ამიტომაცაა შეკითხვა – ვინ, ვისით ვანაცვლებთ? ქუჩაში გადით, რეგიიონებში წადით, ტრანსპორტში ადით, გეკითხებიან, ვინ, ეს ტოქსიკური მანიაკების კოლექცია? ვისით, ვინ? რად მინდა ისეთი პოლიტიკოსი ოპოზიციაში, რომელიც დღეს ნაგავს ეძახის ჟურნალისტს, იმიტომ რომ არ მოსწონს, შემდეგ ეს უნდა მოვიდეს ხელისუფლებაში, და მერე ეს ჟურნალისტი რამე ფორმით მოგუდოს.