ახალგაზრდა კაცი ირწმუნება, რომ პოლიცია მას ავტოფარეხის გატეხვის აღიარებას აიძულებდა.
მისი მტკიცებით, 2 მაისს მეგობარ გოგონასთან ერთად სეირნობდა, საკუთარ მანქანასთან სიგარეტისა და მობილური ტელეფონის ასაღებად მივიდა, მას ავტომობილი დალუქული დახვდა, ამის შემდეგ კი პოლიციელებმა ის იძულებით ჩასვეს თავიანთ მანქანაში და რამდენიმე საათის განმვლობაში აიძულებდნენ სხვისი დანაშაული თავის თავზე აეღო.
“პოლიცია მაიძულებს რომ ავტოფარეხია გატეხილი, არაფერია წაღებული და მანქანა რადგან ეყენა ახლოს, თქვენი გაკეთებულიაო. ჩამისვეს მანქანაში, 7 საათი დამატარებდნენ, განყოფილებაში არც მიუყვანივარ. აზრი არ აქვს შენს დამალვას, ხალხის შეწუხებას, ეს საქმე უნდა აიღო შენო… მეუბნებიან ეს საქმე დამახურინე, სროკზე არ წახვალ” – ამბობს “მთავართან” საუბარში მამაკაცი.
ახალგაზრდა ნასამართლევია და მისი თქმით, სამართალდამცველები ამ ფაქტს იყენებენ.
კომენტარები