“შიმშილობა მე გამიგია ირლანდიელების, მარგარეტ ტეტჩერის დროს, როცა შეაკვდნენ იმ თავის აზრს, მრწამსს და რწმენას. დღეს რაც ვნახეთ, ეს არის საქართველოს დაცინვა,” – ამის შესახებ მომღერალმა და წამყვანმა, გია გაჩეჩილაძემ (უცნობმა) ტელეკომპანია “იმედის” ეთერში განაცხადა.
ამასთან, მან აღნიშნული ტელეკომპანიის საშუალებით “ნაციონალური მოძრაობის” მხარდამჭერებს მიმართა და განაცხადა, რომ ისინი არასწორ მხარეს დგანან.
“ჩვენ ვნახეთ, როგორ იქცევიან, როგორ შიმშილობენ. შიმშილობის გრაფიკიც ყოფილა თურმე. შიმშილობა მე გამიგია ირლანდიელების, მარგარეტ ტეტჩერის დროს, როცა შეაკვდნენ იმ თავის აზრს, მრწამსს და რწმენას. დღეს რაც ვნახეთ, ეს არის საქართველოს დაცინვა. ეს რომ სხვა ქვეყნების წარმომადგენლებმა ნახონ, მე შემრცხვება სააკაშვილის მაგივრად. ერთი დღის წინ გამოიყვანა დედამისი ტელევიზორში ხვეწნა-მუდარით, შვილს მიკლავენო და დღეს ასეთი კადრები ვნახეთ. ეს ძალიან დიდი სირცხვილია. საერთაშორისო მასშტაბის თავისმომჭრელი კაცია. ვისაც კი ეხება ის, ყველა ბინძურდება. მისივე გუნდის წევრები კარგად ხვდებიან ამას. მინდა, რომ ერთხელ და სამუდამოდ დავინახოთ, რა ადამიანები ვართ, რომ აქამდე მოვიყვანეთ ეს ამბავი. იმ მონაპოვარს, რომელიც უკვე გვაქვს, არცერთ შემთხვევაში რომ არ დავთმობთ, ეს ხომ ცხადზე ცხადია. მინდა მივმართო იმ ადამიანებსაც, ვინც შეუგნებლად დგას იმ მხარეს – არასწორ მხარეს დგახართ, იმიტომ რომ „ეფესბეს“ სპეცოპერაციაში მონაწილეობთ. სიტუაციის არევა საქართველოში თემურ ალასანიას ამბავია. კარგად დაფიქრდით, აწონ-დაწონეთ ყველაფერი, რაც ამ ადამიანმა აკადრა ქართველებს“, – განაცხადა გია გაჩეჩილაძემ.
კომენტარები