მიხეილ სააკაშვილი ციხიდან წერილს აქვეყნებს:
,,უკრაინის სპეცსამსახურებმა თავის დროზე დააფიქსირეს, რომ 2008 წლის გაზაფხულზე, რუსებმა სცადეს ათეულობით ყოფილი უკრაინელი სპეცრაზმელის დავერბოვკება აფხაზეთში სპეცოპერაციისთვის.
სინამდვილეში რუსებს უნდოდათ მათი აფხაზეთში ჩამოსვლის შემდეგ ჩახოცვა და გამოცხადება, რომ უკრაინული სპეცრაზმი ქართველების დავალებით ცდილობდა აფხაზეთში განლაგებულ რუს “სამშვიდობოებზე” თავდასხმას და რუსებს უნდა ეპასუხათ ჯარის შეყვანით. ასე რომ ცხინვალი იყო მხოლოდ ერთ-ერთი გეგმა მაშინ ომის დაწყების. ამის შესახებ გუშინწინ უკრაინული არხის ეთერში ნაწილობრივ ისაუბრა უკრაინული უშიშროების სამსახურების გადამდგარმა გენერალმა, ვიქტორ იაგუნმა.
მე მოვუწოდებ ქართველ ჟურნალისტებს დაინტერესდნენ ამ ძალიან მრავლისმთქმელი ფაქტით, რომელიც კიდევ ერთხელ აფარჩაკებს რუს-ქოცურ პროპაგანდას.
ამასობაში კი ივანიშვილი რუსეთთან და აფხაზეთის და ცხინვალის “მთავრობებთან” ხელშეკრულების მოსაწერად ემზადება, პარალელურად კი დასავლეთის შანტაჟს აგრძელებს “მიმიღეთ ისეთი როგორიც ვარ, მერე რა რომ ვყარვარ, ცხვირზე ხელი მოიჭირეთ და მიმიღეთ” მიდგომით. დასავლეთი მას არ მიიღებს. ხელშეკრულებას რუსებთან ხელს მოაწერს და შემდეგ ჯერი ჩვენზეა.“
კომენტარები