“ეს მახინჯი სისტემა “ოცნებამ” დააკანონა” – რაზე ისაუბრეს არასამთავრობოებმა პომპეოსთან?

„უფლებები საქართველოს“ წარმომადგენელმა კახა წიქარიშვილმა  მაიკ პომპეოსთან შეხვედრის დასრულების შემდეგ განაცხადა, რომ განხილვის მთავარი თემა იყო სასამართლოში არსებული ვითარება.

„ძალიან ცოტა ვისაუბრეთ არჩევნებთან დაკავშირებით, კერძოდ საარჩევნო დავებზე, თუ როგორ იქცევა სასამართლო ხშირად მიკერძოებულად. მისი მხრიდან იყო შეკითხვები სასამართლოში არსებულ ვითარებასთან დაკავშირებით. ჩვენი მთავარი საუბრის თემა იყო სასამართლო. მე პირადად ვთქვი, რომ წინა ხელისუფლების დროს ჩვენ გვქონდა მახინჯი სასამართლო სისტემა და ეს მახინჯი სასამართლო სისტემა „ქართულმა ოცნებამ“ დააკანონა 40-წლიანი პერსპექტივით“, – განაცხადა კახა წიქარიშვილმა.