დღის მეორე ნახევარში ლუგარის ლაბორატორიიდან მივიღეთ პასუხები და 5 შემთხვევაში პასუხი აღმოჩნდა დადებითი, ყველა შემთხვევა ერთმანეთს უკავშირდება- ამის შესახებ დაავადებათა კონტროლის ცენტრის ხელმძღვანელმა ამირან გამყრელიძემ განაცხადა
მისი თქმით, ყველა დაინფიცირებული იტალიაში ერთად იყო და საქართველოში კვირას დაბრუნდნენ.
„ეს არის ე.წ. 1 კლასტერი ანუ ერთმანეთთან დაკავშირებული შემთხვევევები, ძირითადად ოჯახური შემთხვევები. მათი კლინიკური მიმდინარეობა დამაკმაყოფილებელია. ისინი ინფექციურ საავადმყოფოში დღეს საღამოს მოათავსეს. ლაბორატორიულად ისინი გამოკვლეულები არიან“.
ამირან გამყრელიძეს ჯერ არ უთქვამს, სად იმყოფებოდა ეს ხუთი მოქალაქე აქამდე, ინფექციურში გადაყვანამდე, იმყოფებოდნენ კარანტინში თუ არა და რომელ კარანტინში?
ამ დროისთვის უკვე ჯამში 9 შემთხვევაა დადასტურებული. საქართველოს მთავრობის მიერ შექმნილ სპეციალური ვებგვერდის თანახმად, კარანტინის რეჟიმშია 162 ადამიანი, ხოლო სტაციონარში მეთვალყურეობის ქვეშ – 45.
კომენტარები