“ტაბულას” დამფუძნებელი, თამარ ჩერგოლეიშვილი, სოციალურ ქსელში, წერს:
“ვარდების რევოლუცია, თავისი არსით, საზოგადოებრივ ცხოვრებაში სოციალური ჯგუფების ჩართულობის და მონაწილეობის გაფართოებისკენ მიმართული მოვლენა იყო.
ვარდების რევოლუციის ამოცანა, 200 წლიანი წყვეტის შემდეგ, ლიბერალურ დემოკრატიაზე დაფუძნებული, ერი სახელმწიფოს შექმნა იყო.
მართლაც – სოციალური ჯგუფების ჩართულობა ვარდების რევოლუციის შემდეგ მკვეთრად გაიზარდა.
– საზოგადოებრივ ცხოვრებაში დაბრუნდნენ ზვიად გამსახურდიას მომხრეები, რომლებიც შევარდნაძის ხელისუფლებას არ ცნობდნენ
– საზოგადოებრივ ცხოვრებაში დაბრუნდნენ რელიგიური უმცირესობები, რომლებსაც მანამდე დევნიდნენ
– კორუფცია მოისპო და განათლება ხელმისაწვდომი გახდა ყველასთვის, ვისაც სწავლის უნარი ჰქონდა – ახალი ელიტის შექმნა დაიწყო
და ა. შ.
2012 წლის არჩევნები, ფორმით არჩევნები იყო.
შინაარსით – კონტრრევოლუცია.
ივანიშვილი ხელისუფლებაში მოსვლისთანავე ჯგუფების საზოგადოებრივ ცხოვრებიდან გარიყვას შეუდგა:
ა) უპირველეს ამოცანად დღემდე ნაცების განადგურება და მათი პოლიტიკური ცხოვრებიდან გარიყვა რჩება
ბ) დაიწყო ძალადობა რელიგიური უმცირესობების მიმართ და მათი ხელახალი გარიყვის მცდელობა (ნიგვზიანი, წინწყარო და ა. შ.)
გ) სასტიკი ძალადობა დაიწყო სექსუალური უმცირესობების მიმართ, რომლებიც მართალია მტკივნეულად, მაგრამ ასევე იწყებდნენ თავის დამკვიდრებას.
დ) დაიწყო ძალადობა უცხოელების მიმართ, აიკრძალა მიწის გაყიდვა – რამაც ეკონომიკური ცხოვრებიდან გათიშა ბევრი ქართველი
ე) ახლა უკვე არჩევანის უფლება წაართვა მათ, ვინც მისი ამომრჩეველი არ არის
გაგრძელება კიდევ შემიძლია, მაგრამ დავამოკლებ, რომ მთავარი სათქმელი ვთქვა:
ყველა ბრძოლას აქვს თავისი შინაარსი.
ადამიანები რომ გაგყვნენ, უნდა იცოდნენ რას იცავ და რისგან იცავ.
შეუძლებელია ივანიშვილის რეჟიმს ებრძოდე და თავგამოდებით არ იცავდე კონკრეტული ჯგუფის, სექსუალური უმცირესობის სრულუფლებიან ჩართულობას საზოგადოებრივ ცხოვრებაში.
ეს იმაზე დიდი აბსურდია, ვიდრე ცხელი თოვლი.
ივანიშვილთან ფასეულობების ბრძოლაში ვართ და თუ ამ ფასეულობას არ იცავ, ესეიგი შენც ივანიშვილი ხარ და მას კი არ ებრძვი, საკუთარი ძალაუფლებისთვის იბრძვი.”
კომენტარები