“ეს იმ ბინძური ტაქტიკის გამეორებაა, რომელიც რუსეთმა სირიაში გამოიყენა” – კირბი

CNN-ისთვის მიცემულ ინტერვიუში პენტაგონის პრესმდივანმა ჯონ კირბიმ განაცხადა:

რუსეთის მიერ ოდესის პორტზე სარაკეტო თავდასხმა იმ ბინძური ტაქტიკის გამეორებაა, რომელიც მათ სირიაში გამოიყენეს, როდესაც ჰუმანიტარულ ტვირთს ბომბავდნენ.

რუსული სარაკეტო თავდასხმა ოდესის პორტზე პირდაპირ ეწინააღმდეგება მოსკოვის განცხადებებს, რომ ისინი მზად არიან შეასრულონ შეთანხმება კეთილსინდისიერად.

შეერთებული შტატები შეაფასებს, რა სახის დაზიანება მიაყენა სარაკეტო თავდასხმებმა პორტს და რამდენად შეიძლება ამან იმოქმედოს მარცვლეულის ტერმინალების ფუნქციონირებაზე.