,,ეს ჩეკისტური “ალია”… – რას წერს მაია ორჯონიკიძე?

მიხეილ სააკაშვილის მხარდამჭერი, მაია ორჯონიკიძე სოციალურ ქსელში ,,ალიაში” გამოქვეყნებული ნიუსის ფოტოს აქვეყნებს და წერს:

,,ეს ჩეკისტური “ალია” მაინც რა წუმპეა, რომ თავის საიტზე აი ამ გამო@@ევებული მეყველე ქალის ბოდვითი სტატუსების გადაბეჭდვასაც კი არ თაკილობს. ახლა ამას რომ კითხო-გეტყვის ქოცი არა ვარო, მე კი გეტყვით რომ ეს ძუნძგლა, უნიჭო, გაბოროტებული არარაობა ქოცზეც კი უარესია, რადგან იმასაც არასოდეს აღიარებს, რომ სწორედ ამათნაირებმა მოათრიეს და გაამყარეს საქართველოს დამაქცევარი რუსული რეჟიმი.”

ქ-ნ მაია, ის კრიტიკა და მამხილებელი სტატიები, რაზეც ,,ჩეკისტური ალია” სააკაშვილის მმართველობის დროს წერდა, ნამდვილად ძნელი დასავიწყებელია მისი მომხრეებისთვის (ისევე როგორც, შევარდნაძის დროს მოქკავშირისთვის და ივანიშვილის დროს – ოცნებაასრულებული ქოცებისთვის) და კარგად ვიცით, რომ არ მოგწონვართ. გაგიკვირდებათ და, არც ჩვენ მოგვწონს და ვეთანხმებით „ალიას“ ვებ-გვერდზე გამოქვეყნებული ტექსტების უმრავლესობას. თუმცა, ამის მიუხედავად, ცენზურა არ დაგვიწესებია და მიგვაჩნია, რომ  მკითხველს უნდა დავუტოვოთ არჩევანისა და აზროვნების საშუალება. ვისაც ეს არ მოსწონს, „ალია“ არც უნდა წაიკითხოს…  ჩვენ, ყველა მმართველობისას, მიჩვეულები ვართ ლანძღვასაც, თავდასხმებსაც, დაუმსახურებელ კრიტიკასაც და თქვენი ეს ეპითეტები, ბევრ მათგანთან შედარებით, უწყინარადაც კი გამოიყურება… წუმპეს რაც შეეხება, სამწუხაროდ, ნამდვილად წუმპეა გარეშემო, ყველანი იქ ვართ და მედიასაშუალების მოვალეობაა, სწორედ ეს რეალობა აჩვენოს, თორემ ყველაზე ადვილია „პეპლებზე და ყვავილებზე წერა“, რადგანაც ყველა ხელისუფლება ამაში კარგად იხდის…  არა გვგონია, რომ ჟურნალისტური პრინციპების შეხსენება გჭირდებოდეთ, არც იმის, რომ ცენზურა ნამდვილად დაუშვებელია და რასაც ჩვენ ვახერხებთ, და ვახერხებთ, უმეტესად, ფინანსურ მარწუხებში, პირიქით, სამაგალითოდაც მიგვაჩნია!!! 30 წელია „ალია“ იმიტომ დარჩა „ალიად“, რომ ამ წუმპეს არ ეგუება და კარგად ვიცით, რომ ყველა რეჟიმი და ავტოკრატიული მმართველობა, წარმავალია და ჩვენ გაძლება გვმართებს, რადგან, „ესეც გაივლის“.