თბილისის მერია დედაქალაქში საბავშვო ატრაქციონების ასაშენებლად 2 მილიონზე მეტს დახარჯავენ.
“ატრაქციონები და პარკები აუცილებელია, მაგრამ ბავშვებს ბევრი სხვა რამე არ აქვთ. ჯობდა ბავშვებისთვის გაეწიათ დახმარება, ვიდრე ეს ატრაქციონები გაეკეთებინათ” – აცხადებენ მოქალაქეები “მთავარ არხთან” საუბრისას.
“შეაჩერე კორუფციის” აღმასრულებელმა დირექტორმა ქეთევან ენუქიძემ სატენდერო დოკუმენტები შეისწავლა და გაირკვა, რომ თბილისის მერს, კახი კალაძეს ფავორიტი კომპანიაც ჰყავს, რომელიც ტენდერებს უპრებლემოდ იგებს:
“პირველ რიგში ეს არის მორგებული ტენდერი, როდესაც არის ტექნიკური პარამეტრები ასე ზედმიწევნით მითითებული გვიჩნდება კითხვა რისთვის კეთდება ეს? ასევე არ ხდება თანხის დაზოგვა. მიზანშეწონილი არ არის ასეთი შესყიდვების განხორციელება”
ჟურნალისტების კითხვებს კახი კალაძემ უპასუხა და აცხადებს, რომ ატრაქციონები ბავშვებისთვის კეთდება და არა მერიის თანამშრომლებისთვის:
“ატრაქციონები ჩვენთვის არ კეთდება, ბავშვებისთვის კეთდება და თქვენ ნახეთ რამდენი სკვერი კეთდება, იმდერი რომ საერთოდ არ გაკეთებულა დედაქალაქის ისტორიაში, გვინდა, რომ გამოვასწოროთ ეკოლოგიური მდგომარეობა”
“ალია” – რა თქმა უნდა ატრაქციონი ბავშვებისთვის კეთდება, მაგრამ პანდემიის შემდეგ, ანტიკრიზისული გეგმა მარტო ქვეყნის ბიუჯეტს ეხება? დედაქალაქის ბიუჯეტს, არა?
როცა იპოთეკური სესხის სუბსიდირების პროგრამა წარადგინა პრემიერმა, ღიად თქვა, რომ სამშენებლო კომპანიებზე ზრუნავს, მედალს ორი მხარე აქვს, ატრაქციო ბავშვებისთვის კეთდება, მაგრამ 2 მილიონი ლარი ერთი კონკრეტული კომპანიის ჯიბეში მიდის და არა მოქალაქეების.
კომენტარები