ეს არის “ენმ”-ის და ნიკა მელიას მთავარი გეგმა და ამოცანა – ნიკოლოზ სამხარაძე

პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ნიკა მელიას საქმეზე განაცხადა:

„ნიკა მელიას საქმე წმინდად სამართლებრივი საკითხია იქიდან გამომდინარე, რომ კანონით გაწერილია პროცედურები, რა უნდა გაიაროს როგორც პროკურატურამ, ასევე ნიკა მელიამ. რაც შეეხება მამუკა მდინარაძის ბრიფინგს, ის განპირობებული იყო იქიდან გამომდინარე, რომ მელიას განცხადებაში ნათქვამი იყო, თითქოს „ქართული ოცნება“ გირაოს გადახდას აპირებს, რაც სრული აბსურდია.

„ნაციონალურ მოძრაობას“ ნიკა მელიას საქმე შესაძლოა ხელს აძლევდეს საკუთარი თავის მსხვერპლად წარმოჩინებისა და ასევე იმისთვის, რომ საერთაშორისო პარტნიორები დააჯერონ – საქართველოში ოპოზიციის ლიდერებს დაუსაბუთებელი ბრალდებით დევნიან. ეს არის მათი მთავარი გეგმა და ამოცანა, თუმცა მეორეა სამართლებრივი საკითხი. ნიკა მელიას აქვს თავისუფლება და მშვენიერი შესაძლებლობა იმისა, რომ მომავალი კვირიდან არ წავიდეს ციხეში“