საფრანგეთში მყოფი ქართველი მწერალი, დინა მირცხულავა, სოციალურ ქსელში, წერს:
“არიან ადამიანები, თავიანთი ადამიანობით რომ ზედ ზურგზე გახეთქებენ და საკუთარ სიმცირეს განახებენ…
გერევიან არა ძალით, არამედ სიკეთით და ასჯერ მაღლა დგებიან შენზე და ამ დროს საკუთარი თავი ისე გძულდება, სიამოვნებით გამოძვრებოდი მისგან და მოუსავლეთში წახვიდოდი…
არ ვტოვებდი შანსს, მისთვის არ დამეცინა, არ მელანძღა, არ მიმეწერა კომენტარი- ზოგჯერ ბოღმით სავსე და ზოგჯერ ისეთი , რომ ასობით ადამიანი მეხარხარებინა…
ერთი პოლიტიკოსის ცოლზე ვწერ ახლა, ყველაფერს კითხულობდა, ვიცოდი რომ კითხულობდა და მაინც, როცა გავთხოვდი იმ პირვეულ ათეულში იყო, ვინც მომილოცა გაბედნიერება.
პირველად მაშინ დამახეთქა.
უნდა ამას, ძალიან დიდი ადამიანობა უნდა, ვინც შენი ოჯახის წევრს და შვილების მამას ემტერება, გულით მიულოცო გაბედნიერება.
და მეორედ, აგერ ახლა 100 : 0 მის სასარგებლოდ.
მეზობლის ინფიცირებულ ბავშვზე რომ დავწერე, მაშინვე მომწერა, ძალიან განვიცადე შენი ამბავი, არ შეგეშინდეს….და კონკრეტული ადამიანის ტელეფონი მომცა, სიტუაციის გართულებისას რომ მიმემართა.
– ადამიანი ხართ – მეთქი.
მეტის თქმა ვერ შევძელი, იმიტომ რომ დავპატარავდი… ძალიან დავპატარავდი…
ჰოდა, არიან ადამიანები, ვინც პირად წყენაზე მაღლა დგებიან და ისინი ყოველთვის გვიგებენ ჩვენ არა ძალით, არამედ…”
კომენტარები