რეანიმატოლოგისა და „ჯეო ჰოსპიტალსის“ მარნეულის სამედიცინო ცენტრის კლინიკური დირექტორის ტატა შენგელაიას განმარტებით, ახალი შტამი – ომიკრონი სწრაფად ვრცელდება როგორც ბავშვებში, ისე მოზარდებსა და ხანდაზმულებში. მისი ინფორმაციით, ერთ კვირაში, დელტა შტამს ომიკრონი მთლიანად ჩაანაცვლებს.
ამასთან, ექიმის თქმით, პაციენტებს კორონავირუსის, თუნდაც მსუბუქად გადატანის შემთხვევაში, მაინც ექმნებათ ჯანმრთელობის გარკვეული პრობლემები.
„ის 4-5 დღის განმავლობაში გრძელდება და ხასიათდება მაღალი ტემპერატურითა და ზედა სასუნთქი გზების ინფექციით. ასევე ინფიცირებულს აქვს მშრალი ხველა და სურდო. მკურნალობა შესაძლებელია სახლის პირობებში, თუმცა თუ პაციენტს თანმხლები დაავადებებიც აქვს, უმჯობესია ეს პროცესი კლინიკაში გააგრძელოს. ჩვენ ომიკრონს, ჩვეულებრივ პროტოკოლის მიხედვით ვმკურნალობთ და თუ თანმხლები დაავადებაცაა, ასეთ შემთხვევაში პაციენტებს ცალკე აღნიშნულ დაავადებებზეც ვმკურნალობთ”, – განმარტა შენგელაიამ.
ipn.ge
კომენტარები