ენმ–ის ერთ–ერთი ლიდერი, გიორგი ბარამიძე, სოციალურ ქსელში ეხმაურება ნანუკა ჟორჟოლიანის წერილს:
ჩემი დიდი პატივისცემა ნანუკას, მაგრამ ვფიქრობ იგი ძალიან დიდ (სრულიად მიუღებელ) შეცდომას უშვებს, როცა ენმ-ს გუნდს ასაკითა და გენდერის მიხედვით ყოფს.
ჩვენს გუნდს, ისევე როგორც მთელს ქართულ პატრიოტულ საზოგადოებას, ძალიან ჭირდება ყველა ის ადამიანი (ახალგაზრდა თუ უფროსი თაობის, ქალი თუ კაცი) ვინც ჯერ მიშასთან ერთად იმისთვის იბრძოლა, რომ ამორფული სახელმწიფო წარმონაქმნიდან, თანამედროვე ქართული სახელმწიფო შექმნილიყო და შემდეგ ოპოზიციაში ყოფნისას, 14 წელი რუსული, კრიმინალური რეჟიმის ზეწოლას, დაშინებას და ტერორს გაუძლო, არ გატყდა, არ გაიყიდა და არ დანებდა და დღესაც აგრძელებს ბრძოლას.
ენმ განახლება და გაჯანსაღება უნდა მოხდეს ყველა პატრიოტისა და მებრძოლი, პატიოსანი ადამიანის მიერ.ცხადია ახალგაზრდობის (მათ შორის გამოუცდელის) გუნდში მოყვანა და მათთვის ასპარეზის მიცემა, ყოველთვის იყო მიშას და ენმ გუნდის პრიორიტეტი და ეს ტრადიცია მომავალშიც უნდა შენარჩუნდეს, ოღონდ არა, ნაბრძოლი და პატრიოტი ხალხის ხელოვნურად გვერდზე გაწევის ხარჯზე.საქართველოს გამარჯვებას ჭირდება ყველა პატრიოტი, პატიოსანი და მებრძოლი ადამიანი.
კომენტარები