გუშინ ბრიუსელში მიმდინარე ნატოს თავდაცვის მინისტერიალის ფარგლებში საქართველოს თავდაცვის მინისტრი ალიანსის შტაბ-ბინაში გამართულ სამუშაო შეხვედრაზე იმყოფებოდა. ჩრდილო ატლანტიკური ალიანსის გენერალურმა მდივანმა, იენს სტოლტენბერგმა საქართველოს თავდაცვის მინისტრთან შეხვედრის შემდეგ თქვა:
“საქართველოს თავდაცვის მინისტრთან გვქონდა კონსტრუქციული დიალოგი და ნატოს მოკავშირეებმა გამოთქვეს მზადყოფნა, რომ ამ ქვეყანასთან პარტნიორობა გააძლიერონ.”
მისივე თქმით, მნიშვნელოვანია, ნატომ იმ პარტნიორი ქვეყნების დახმარება გააძლიეროს, რომლებიც რუსეთის წინაშე დაუცველები არიან.
“ვესაუბრე საქართველოს თავდაცვის მინისტრს, რომელმაც ასევე მიიღო მონაწილეობა გუშინდელ შეხვედრაში, ხაზი გავუსვით მხარდაჭერას, როგორც პოლიტიკურს ასევე პრაქტიკულს იმ პარტნიორი ქვეყნებისთვის, რომლებიც რუსეთის აგრესიის წინაშე დაუცველები არიან, რა თქმა უნდა, საქართველო ერთ-ერთი მათგანია.
ეს ქვეყანა უკვე გახდა რუსული აგრესიის მსხვერპლი 2008 წელს და ამისთვის ახლა ვმუშაობთ იმაზე, რომ მეტი მხარდაჭერა აღმოვუჩინოთ მას და პარტნიორობაც გავაძლიეროთ. საქართველოს თავდაცვის მინისტრთან ძალიან კონსტრუქციული დიალოგი გვქონდა და მოკავშირეებმაც გამოთქვეს მზადყოფნა, რომ გააძლიერონ პარტნიორობა საქართველოსთან.”
კომენტარები