ფოთის საპატრულო პოლიციის უფროსს, თორნიკე იზორიას სასამართლომ 3 ათას ლარიანი გირაო შეუფარდა. ის ბრალდებული ძალადობის ფაქტზეა.
დაზარალებული ქალის ადვოკატი, “ინტერპრესნიუსთან” ამბობს:
„მას ბრალი ედება 2 ან მეტი პირის მიმართ ძალადობაში. ის მოქმედი პოლიციელია. კერძოდ, ფოთის საპარულო პოლიციის უფროსის თანამდებობაზე მუშაობს. ასევე, მუქარის მუხლით არის აღძრული სისხლის სამართლის საქმე.
გამოძიება აწარმოა სამეგრელო-ზემო სვანეთის საოლქო პროკურატურამ. სხვა შემთხვევაში, ეს გამოძიება ობიექტურად ვერ დამთავრდებოდა. ამაში დარწმუნებული ვარ. მიმაჩნია, რომ ეს პიროვნება საზოგადოებისთვის საფრთხეს წარმოადგენს არა მარტო ჩემი დაცვის ქვეშ მყოფის მიმართ, შესაძლებელია კიდევ გაიმეოროს. რა შეუშლის ხელს, არც არაფერი.”
მისი თქმით, საქმე ეხება ცეცხლსასროლი იარაღის გამოყენებით საკუთარი ბიზნეს პარტნიორის მიმართ სავარაუდო მუქარას.
„თანხებთან არის დაკავშირებული და როგორც კი ამაზე საუბარი დაიწყებოდა, ძალადობაზე გადადიოდა“, – აცხადებს ადვოკატი.
ის ადასტურებს, რომ ძალადობის ფაქტი არსრულწლოვნების თანდასწრებითაც ხდებოდა.
კომენტარები