დევნილთა პოლიტიკური თანამშრომლობის ცენტრის” დამფუძნებელი ოთარ ფანცულაია
“კაი, გავიგეთ რომ კოლაბორაციონისტული პროსუსული ხელისუფლება გვყავს.. ყური იმასაც მიეჩვია, რომ ჩვენი ხელისუფლების გინებაში ზოგჯერ ჩვენი სახელმწიფოსკენაც გამოექცევათ ხოლმე არცთუ კორექტული შეფასებები..
გავიგეთ, რომ ალტინფოც და ყველა პუტინისტური პარტია თუ ორგანიზაცია რეალურად ქართული ოცნების პოლიტიკური ქვედანაყოფია..
გასაგებია, რომ ქართული ოცნების ორაზროვანი პოლიტიკა ოპოზიციისთვის არის ხელისუფლებაში მოსვლის შესაძლებლობა..
და რა მერე?
ერთი ადამიანიც არ მინახავს, ვისაც აქამდე არ მოსწონდა ენმ და ახლა მოსწონს. თქვენ გეგულებათ ვინმე ასეთი?
შეწყვიტა მიშამ მორიგი უვადო შიმშილობა და ამაზე ახლა ოპოზიციაშიც ნერვულად ეღიმებათ.
ვერცერთმა ოპოზიციურმა პარტიამ ახალი ელექტორატის მოზიდვა ვერ მოახერხა. ისინი არ იცვლებიან, მათი სტილი და რიტორიკა არ იცვლება, მათ არ გააჩნიათ იდეები,ამიტომ ახალ ჭირს ხალხი ისევ შეჩვეულ ჭირს არჩევს, იმიტომ რომ მათ რეპუტაციული უპირატესობა ვერ მოიპოვეს.
ყველა კოზირი ხელში აქვთ და ამ დროს პრორუსულ, კოლაბორაციონისტ, ორაზროვანი პოლიტიკის გამტარებელ ხელისუფლებასთან რეპუტაციული უპირატესობა ვერ მოიპოვეს!
დღეს რომ არჩევნები ჩატარდეს, ისევ ქ.ო. მოიგებს, ეჭვი არ შეგეპაროთ.. არა იმიტომ, რომ ამომრჩეველს ის მოსწონს, არამედ იმიტომ, რომ ოპოზიციამ ამომრჩეველის ნდობა ვერ მოიპოვა. უკრაინის თემაც კი ჯეროვნად ვერ გამოიყენეს.
სტრატეგია: “ხელისუფლება ცუდია, ამიტომ აგვირჩიეთ ჩვენ” – არ მუშაობს, არც ოდესმე უმუშავია და არც მომავალში იმუშავებს. მათ ამის გაგება არ სურთ.
მიზეზი?
ოპოზიციური პარტიები ისევ მხოლოდ საკუთარ ელექტორატთან მუშაობენ, ხოლო ამ მოჯადოებული წრის გარეთ თავისი იდეების გავრცელება აზრადაც არ მოსდით, მათ უბრალოდ არ მოსწონთ ის ადამიანები, ვინც მათ მხარეს არ დგანან, ამიტომ თვლიან, რომ მათთან საუბარი არ ღირს.
რეალურად ყველა ოპოზიციური პარტია ერთმანეთის კონკურენტია და არა ხელისუფლების.
ისიც არ მესმის, ეს რანაირი კონკურენციაა, როცა ყველა მათგანის რიტორიკა ერთი ერთში იმეორებს დანარჩენის რიტორიკას..
წყლის ნაყვაა ამათი ცოდვილობა, გინდ იქეთ, გინდ აქეთ..
კიდევ როგორ უდგია ქვეყანას სული..”
კომენტარები