“დღეს პაპუაშვილმა მორიგ ჯერზე მოიყვანა უტიფარი “არგუმენტი” – ხუხაშვილი

პოლიტოლოგი, გია ხუხაშვილი:

კარგად რომ გაიგოთ, რასთან გვაქვს საქმე, საყოფაცხოვრებო მაგალითზე აგიხსნით:

გყავთ ნაძირალა მეზობელი, რომელმაც ერთი-ორჯერ მაგრად გცემათ და თქვენი კარმიდამოს ნაწილი მიისაკუთრა.

ახლა მეორე მეზობელს, თქვენს მეგობარს მიადგა და იმას ართმევს ყველაფერს.

სამეზობლოს, სამეგობროს ყელში ამოუვიდა განუკითხაობა და რითაც შეუძლიათ, ყველაფრით ეხმარებიან თავის დაცვაში.

თქვენ კი მეგობარს ეუბნებით – “ იცი რა, ძალიან მიყვარხარ, მაგრამ ამ მოძალადის განაწყენება არ მინდა და თან მასთან რაღაც ბიზნესი ავაწყვე. შენ გაუძელი და თუ მოიგებ, მერე ისევ ვიმეგობროთ”.

ოჯახთან ტრაბახობთ, რა ბრძნული გადაწყვეტილება მიიღეთ, რომ არ ჩაერიეთ. გულის სიღრმეში კი იცით, რომ უკვე იმ ნაძირალას ლუკმა ხართ, მაგრამ შვილებს უმალავთ.