ყოფილი პარლამენტარი, რომან გოცირიძე:
სემეკის განმარტებით, მასშტაბური გათიშვის მიზეზი ის გახდა, რომ საქართველოს ენერგოსისტემა აზერბაიჯანის ენერგოსისტემასთან პარალელურ რეჟიმში მუშაობდა. აზერბაიჯანის ქსელიდან გათიშვის შემდეგ დეფიციტი საქართველოს სისტემაზეც გავრცელდა და ქვეყნის დიდი ნაწილი ელექტროენერგიის გარეშე დარჩა.
ანუ, საბოლოოდ, მოხდა ის, რასაც არაენერგეტიკოსებიც კი მარტივად ხვდებიან: სისტემაში ელექტროენერგიის მიწოდება მოთხოვნას ვეღარ დაეწია და წარმოიშვა სიმძლავრის დეფიციტი.ამ ფონზე განსაკუთრებით საინტერესოა ბოლო პერიოდში აქტიურად გავრცელებული ნარატივი, თითქოს ენგურჰესიდან წყლის დაღვრა იმის მტკიცებულებაა, რომ საქართველოში ელექტროენერგიის სიჭარბეა. ეს ინტერპრეტაცია თავიდანვე მცდარი იყო. ერთი ენერგეტიკოსის არაზუსტმა განმარტებამ მედიის ნაწილიც შეცდომაში შეიყვანა და საბოლოოდ ჩამოყალიბდა მცდარი წარმოდგენა, თითქოს წყლის დაღვრა ავტომატურად ნიშნავს გამოუყენებელ ელექტროენერგიას.რეალობა გაცილებით მარტივია: ენგურჰესზე წყალი ზაფხულში ყოველთვის იღვრებოდა, დღესაც იღვრება და მომავალშიც დაიღვრება. ეს ტექნოლოგიური აუცილებლობაა და არა ნაკლები გენერაციის შედეგი. ჰესს არ შეუძლია წყალსაცავში არსებული მთელი წყლის ენერგიად გარდაქმნა. წყალსაცავიდან ტურბინებამდე წყალი დაახლოებით 15-კილომეტრიანი სადერივაციო გვირაბით მიეწოდება, რომლის გამტარუნარიანობაც ტექნიკურად შეზღუდულია. სხვა სიტყვებით რომ ვთქვათ, ეს ინფრასტრუქტურა თავისი შესაძლებლობების ზღვარზე მუშაობს და ვერ გაიზრდება მხოლოდ იმიტომ, რომ წყალსაცავში მეტი წყალია.სემეკის ინფორმაციით, წარმოქმნილმა დეფიციტმა იმერეთის რეგიონში გეგუთის ელექტროგადამცემი ხაზის გათიშვა გამოიწვია.რაც შეეხება პასუხისმგებლობას, მარეგულირებელი კომისია პირდაპირ არ ასახელებს, ვინ ვერ მართა სისტემური რისკები. თუმცა შინაარსიდან შეიძლება დავასკვნათ, რომ კითხვები, პირველ რიგში, საქართველოს სახელმწიფო ენერგოსისტემის ოპერატორის მიმართ ჩნდება.
დანარჩენი უკვე ქართული პოლიტიკური კლასიკაა: ბოლოს დამნაშავე, ალბათ, ის აღმოჩნდება, ვისაც მოხსნიან. ეს ყოველთვის არ ნიშნავს, რომ სწორედ ის იყო პრობლემის პირველწყარო.
კომენტარები