ლისის ტბის ტერიტორიაზე დაჭრილი ჯარისკაცი სამხედრო ვერტმფრენით გადმოიყვანეს. ამის შესახებ „2020NEWS”-თან საუბრისას ერთ-ერთმა თვითმხილველმა განაცხადა და მის მიერ გადაღებული ფოტოებიც მოგვაწოდა.
მისივე თქმით, ხუთშაბათს, 18 სექტემბერს, ლისის ტბის ტერიტორიაზე სამხედრო თვითმფრინავი შენიშნა, საიდანაც დაჭრილი ჯარისკაცი გადმოყავდათ.
„ხუთშაბათს, 18 სექტემბერს საღამოს საათებში შევნიშნე სამხედრო თვითმფრინავი, საიდანაც დაჭრილი ჯარისკაცი გადმოიყვანეს, როდესაც ვკითხე, დახმარება ესაჭიროებოდათ თუ არა, მიპასუხეს, რომ სწრაფად დამეტოვებინა ტერიტორია“ , – ამბობს თვითმხილველი.
ინფორმაციის გადამოწმების მიზნით, „2020NEWS“ თავდაცვის სამინისტროს პრესცენტრს დაუკავშირდა, სადაც განაცხადეს, რომ ეს უბრალო სცენარი იყო, „ღირსეული პარტნიორი 2020“ -ის მიერ დადგმული.
„არც ერთი ჯარისკაცი არ დაჭრილა, ეს უბრალდ, „ღირსეული პარტნიორი 2020“ -ის მიერ დადგმული სამხედრო სწავლების ერთ-ერთი შემავალი ნაწილი იყო, ამიტომაც საზოგადოების შეშფოთება უსაფუძვლოა“,. – განაცხადა თავდაცვის სამსახურის პრესცენტრის წარმომადგენელმა, ნიკა მოლოდინაშვილმა.
შეგახსენებთ, 1 სექტემბერს სამხედრო წვრთნის “ღირსეული პარტნიორი 2020”-ის ფარგლებში, აშშ-ის არმიის 173-ე საჰაერო-სადესანტო ბრიგადის 200 მედესანტე პარაშუტით დაეშვა ვაზიანის საწვრთნელ ბაზაზე. წვრთნა 7 სექტემბრიდან 18 სექტემბრამდე მიმდინარეობდა.
2020NEWS.GE
კომენტარები