ნიკა მელიას საქმეზე ირაკლი ღარიბაშვილს მოწმის სტატუსით აღარ დაიბარებენ. მოსამართლე ნინო ჩახნაშვილმა არ დააკმაყოფილა შუამდგომლობა, რომელიც დაცვის მხარემ დააყენა. ნიკა მელიას ადვოკატი ღარიბაშვილის დაკითხვას სასამართლოში მოითხოვდა.
ჩახნაშვილმა განმარტა, რომ პრემიერ-მინისტრის მიერ გაჟღერებული განცხადება არის შეფასებითი და საჯარო პირების შეფასებები ნიკა მელიას ბრალდებასთან დაკავშირებით რელევანტური არ არის.
საქმე ეხება ღარიბაშვილის იმ განცხადებას, რომელიც მან ერთ-ერთი ტელევიზიის ეთერში გააკეთა და რომლის მიხედვითაც 2019 წლის 10 ივნისს არ არსებობდა პარლამენტში შეჭრის საფრთხე.
ნიკა მელიას ბრალი 20 ივნისის საქმეზე ჯგუფური ძალადობის ორგანიზებისა და მისი ხელმძღვანელობისთვის საქართველოს სისხლის სამართლის კოდექსის 225-ე მუხლის 1-ელი და მე-2 ნაწილებით აქვს წარდგენილი.
კომენტარები