ტვ პირველის ცნობით, თბილისში, ჩინეთის მოქალაქეებისთვის საქართველოში გაჩენილი ჩვილ ბავშვთა მოვლის ცენტრებია, საიდანაც ბავშვები უკანონოდ გაჰყავთ ქვეყნიდან.
მედიის ცნობით, ბროწეულის ქუჩაზე მდებარე ცენტრში ორთვიანი მომზადების შემდეგ ბავშვები ჩინეთის მოქალქეებს მიჰყავთ და კერძო სახლის მეპატრონეებთან, სადაც ჩვილ ბავშვთა მოვლის ცენტრებია გახსნილი, ქირავნობის შესახებ ოფიციალური დოკუმენტი არ იძებნება. ცენტრში დასაქმებული ქართველი ძიძები ადასტურებენ, რომ ჩინურ კომპანიას ემსახურებიან ასევე ადასტურებენ იმასაც, რომ სუროგაციაცა და ბავშვების წაყვანაც ქვეყნიდან დოკუმენტების გაყალბებით ხდება. საქართველოში სუროგაცია არაა აკრძალული, თუმცა, კამონი გამკაცრებულია და სწორედ, ამიტომ სჭირდებათ დოკუმენტების გაყალბება.
ტვ პირველის ცნობით, ჩინეთის მოქალაქე დონგ ჰაი არის ის ბიზნესმენი, რომელიც საქართველოში წლებია ამ საქმიანობას ეწევა და ჩინეთიდან ჩამოსულ მოქალქეებს ეხმარება, რომ დონორიც და სუროგატიც საქართველოში მოძებნოს.
ბიზნესმენი საქართველოში რამდენიმე შპს-ს მფლობელია. დონგ ჰაის ჩინეთის მოქალაქე პარტნიორები ყავს – ის მოლეკულურ გენეტიკური ლაბორატორიის მეწილეცაა. მან მედიასთან დაგეგმილი შეხვედრა და კომენტარი გააუქმა.
მედიის ცნობით, ჟურნალისტური გამოძიების დაწყების შემდეგ, ჩვილ ბავშვთა ცენტრს ადგილი შეუცვალეს და , დიდ დიღომში გადაიტანეს ცენტრი. კიდევ ერთი ცენტრი, სავარაუდოდ, ფუნქვიონირებდა კრწანისის რაიონშიც.
კომენტარები