NATO-ს გენერალური მდივნის, იენს სტოლტენბერგის თქმით, უკრაინის წარმატებამ ბრძოლის ველზე, შესაძლოა კიევი უფრო გააძლიეროს მოსკოვთან სამომავლო მოლაპარაკებებში. აღნიშნულის შესახებ სტოლტენბერგმა ბრიუსელში რუმინეთის პრემიერთან შეხვედრის შემდეგ გამართულ ბრიფინგზე ისაუბრა.
“ომების უმეტესობა მოლაპარაკებების მაგიდასთან მთავრდება, ამავდროულად, ჩვენ ვიცით, რომ რისი მიღწევაც უკრაინას მოლაპარაკებების მაგიდასთან შეუძლია, მთლიანად დამოკიდებულია ბრძოლის ველზე მათ სიძლიერეზე. ასე, რომ სამხედრო დახმარების მიწოდებით ჩვენ ისინი მოლაპარაკებების მაგიდასთან უნდა გავაძლიეროთ. რაც უფრო ძლიერია უკრაინა ბრძოლის ველზე, მით უფრო სავარაუდოა, რომ ჩვენ გვექნება პოლიტიკური გადაწყვეტა, რომელიც უზრუნველყოფს უკრაინის გამარჯვებას, როგორც სუვერენულ, დამოუკიდებელ ერს ევროპაში”, – თქვა სტოლტენბერგმა.
მან კიდევ ერთხელ აღნიშნა, რომ პუტინი ბრძოლის ველზე მარცხდება და ის ამ მარცხს პასუხობს უფრო განურჩეველი თავდასხმებით უკრაინის ქალაქებზე, მშვიდობიან მოსახლეობასა და კრიტიკულ ინფრასტრუქტურებზე, ასევე საშიში ბირთვული რიტორიკით.
კომენტარები