“ჩანს ავტომანქანა, რომლითაც გაიტაცეს” – რას ელოდება გელა გელაძის უწყება?

თინა ბოკუჩავა გადაცემა “რეაქციაში“ ამბობს, რომ მათ ხელთ აქვთ ისეთი მნიშვნელოვანი ინფორმაციები, რომ სურვილის შემთხვევაში, 10 წუთში დაადგენენ, რა მოხდა 9 ივნისს.

თუმცა, ოპოზიციონერი ლიდერი ამბობს, რომ ის და მისი ქმარი ამ დრომდე არ გამოუკითხვათ და ელოდება, როდის დაუკავშირდებიან, რათა გამოძიებას ყველა მასალა გადასცეს.

6 ივნისს ორივეს დაგვირეკეს, მეც და კოტესაც, თბილისის პოლიციის დეპარტამენტიდან და მოითხოვეს ჩვენი გამოკითხვა, რაზედაც, ბუნებრივია, ჩვენ ვთქვით უარი, და მოვითხოვეთ მაგისტრი მოსამართლე, არა იმიტომ, რომ იმ სასამართლოს იმედი გვაქვს, რომელიც ჟურნალისტებს ფეისბუქ სტატუსების გამო აჯარიმებს და უდანაშაულო ადამიანებს პატიმრებს, არამედ იმიტომ, რომ პროცედურულად მაინც, ოდნვა უფრო, წესით და კონსტიტუციით, დამოუკიდებელი ორგანო მოგევთხოვა, როგორც გამოკიტხვის ფორმალური ადგილი. მე გამომძიებელს ვუთხარი, რომ მივდიოდი ბრიუსელში, სადც უნდა დავსწრებოდი ძალიან მნიშვნელოვან ფორუმს, თუმცა ვუთხარი, რომ დავბრუნდებოდი 13-ში გამთენიას, მეგონა 13-შივე დამიბარებდნენ, მაგრამ  დრემდე არ დავუბარებივარ. სავარაუდოდ, იმიტომ რომ მათ თავად სურთ ამ საქმის მიჩქმალვა და მიმალვა და რატომ? იმიტომ რო ყველაფერი ხელისგულზე დევს. მე არ მივცემ ჩემ თავს ახლა იმის უფლებას, რომ პირველად ის ინფორმაცია, რომლის გაჟღერებაც მსურს, რაც მე ვფიქრობ მნიშვნელოვანი იქნება გამოძიებისთვის, გავჟღერო მედიით და არა გამოკითხვაზე, მაგრამ ჩვენც გვაქვს დამატებით ინფორმაცია, რომელიც საყურადღებო უნდა იყოს ნებისმიერი გამოძიებისთვის. ჩვენ გვაქვს ისეთი ტიპის ინფორმაცია, რომელიც ადასტურებს იმას, რომ სურვილის შემთხვევაში, ზუსტად 10 წუთში შეუძლიათ ამ საქმის გახსნა, ჩვენ გვაქვს ზუსტი დრო კოტეს გატაცების, სადაც ჩანს ის ავტომანქანა, რომლითაც მისი გატაცება მოხდა და სადაც უმარტივესად, საპატრულო კამერების გამოყენებით, მათ შეუძლიათ, მოახდინონ იდენტიფიცირება მანქანების და პირების,- განაცხადა ბოკუჩავამ. 

მისივე თქმით, გამოძიებას რომ მიემართა “მაგთისთვის“, ძალიან მარტივად შეეძლოთ ვიდეოს ატვირთვის ლოკაციის დადგენა.

“ატვირთვის ლოკაციით მარტივია იმ ლოკაციის დადგენა, სადაც მოხდა ეს“,- ამბობს ის.

9 ივნისს, „ერთიანობა-ნაციონალური მოძრაობის“ თავმჯდომარე თინა ბოკუჩავამ სკანდალური განცხადება გააკეთა- მისი თქმით, ბიძინა ივანიშვილის ვაჟის, უტა ივანიშვილისადმი ბოდიშის ვიდეოს ჩაწერამდე, მისი მეუღლე, კოტე იოსელიანი გაიტაცეს და შვილების უსაფრთხოებით დაემუქრნენ.

ენმ-ის ლიდერის თქმით,  იოსელიანი გატაცების  შემდგომ მრავალი საათის განმავლობაში იმყოფებოდა ე.წ. მოდულის შენობაში.

8 ივნისს სოციალურ ქსელში გავრცელდა ვიდეომიმართვა, რომელშიც „ერთიანი ნაციონალური მოძრაობის“ პოლიტსაბჭოს ყოფილი წევრი „ქართული ოცნების“ დამფუძნებლის, ბიძინა ივანიშვილის შვილს, უტა ივანიშვილს 7 წლის წინ გაკეთებული განცხადების გამო ბოდიშს უხდის.

ვიდეო-მიმართვაში იოსელიანი ამბობს: “რაღაც გარემოებები შეიქმნა, რის საფუძველზეც იძულებული გავხდი, ამ ფორმულირებით მეთქვა ეს ყველაფერი”.