,,ხალხისთვის” ლიდერი, ანა დოლიძე:
,,ბიძინას პროექტი “ტროას ცხენი ოპოზიციაში:”
არსებობს საფრთხე, რომ თუ ყურადღებით არ ვიქმებით, ივანიშვილმა შემოგვატენოს თავისი ტროას ცხენი ოპოზიციაში. შექმნას “ოპოზიციური” პარტია, დაისვას მერე, ესაუბროს და შექმნას წარმოდგენა რომ აქ ყველაფერი ბრწყინვალედაა. ამას დაგვპირდა საჯაროდ, როდესაც წამოცდა 2024 წელს ახალ პარტიებს ჩვენვე შევქმნითო.
როგორ უნდა გააკეთოს ეს?
1. აიღოს მისთვის ვინმე სანდო პირი. შეხედეთ ბიძინას გარემოცვას, სულ საკუთარი ბანკირები, ექიმები, დაცვის წევრები მოჰყავდა პოლიტიკაში. ასე, ახლოს აკვირდება ხალხს, გამოცდის მათ ხასიათს, იცის მათი მართვადობის შესახებ და უშვებს პოლიტიკაში.
2. ბევრი ფული. ახლა ეს ადამიანი “ოპოზიციონერი” ხომ უნდა გახდეს როგორმე? სხვა პარტიებმაც მიიღონ და ხალხმაც. ამას ჭირდება ბევრი ფული. ფულის მიტანა ტელევიზიებში, ონლაინ გამოცემებში. ბევრი ეთერი. გაუკვირდება ჩაუხედავ ადამიანს, აი გუშინ გამოჩეკილ
ვიღაცას, რატომ აქვს ასეთი ძვირფასი საეთერო დრო, ამდენი სივრცე ონლაინ მედიაში? ტელევიზიის თითო წუთი ფული ღირს.
ასიათასობით, შავად მოძრავი ლარით, არის ნაყიდი დრო და სივრცე. გადახდილია. თანაც ამ ფულიც ისიც გარანტირებულია, რომ ამ ტროას ცხენს თავს მედია არ დაესხმება, კრიტიკულ კითხვას (სად იყავი აქამდე ან ამდენი ფული საიდან) არავინ დაუსვავს, “რუსო, რუსოს” არ დაუძახებს, პირიქით მოეფერებიან, ვინიცობა დაფინანსება განაგრძოს.
ფული უზრუნველყოფს ასევე ხელფასებს და ხალხის მოზიდვას. კომპეტენტურ ხალხს, რომელიც გაათეთრებს ტროას ცხენს ჭირდება ხელფასები, 5-10 ათასი ლარი. ბევრი პროფესიონალია უსამსახუროდ. ჩამოარიგებს და ამოიყენებს ამ ხალხს და მათ რეპუტაციას გამოიყენებს. ბიძინამ რა ქნა 2012 წელს გაიხსნეთ?!
3. უცხოელები. “ტროას ცხენი” უნდა გახდეს როგორმე მიღებული ელჩებთან. ამით მოხდება მისი მიღება, როგორც “ოპოზიციის” და მორიდების დანერგვა.
დიდი ფულის ეფექტი პოლიტიკაში, გილაურების ამოცანა, ვნახეთ უკვე შარშან. როგორ ხდება დიდი ფულით ნაყიდი სიჩუმით კატაკლიზმები, ეს ვიხილეთ უკვე. ვინმეს უნდა იგივე განმეორდეს და ეს ნაწვალევი ბრძოლა თავისუფლებისთვის აგვაცალონ ცხვირწინ? ამხელა ბრძოლა მიგვპარონ?ამდენი პატიმარი, ჯარიმა, წვალება, შრომა, ბრძოლა, მორიგ პროექტს გავატანოთ?
მე ამის შანსს არ მივცემ არავის. ფხიზლად უნდა ვიყოთ”
კომენტარები