ხორავას ქუჩაზე მომხდარი მკვლელობის საქმეზე, დავით სარალიძის განზრახ ჯგუფურად მკვლელობის ბრალდებით დაკავებულმა მიხეილ კალანდიამ სასამართლო პროცესზე სიტყვა წარმოთქვა.
„იმ საქმეზე, რომელზეც საპარლამენტო კომისია შეიქმნა და რუსთაველზე ტარდებოდა აქციები, კეთდებოდა პოლიტიკური განცხადებები, შეუძლებელია ვისაუბროთ ისე, თითქოს, სახეზე გვაქვს საქმე, რომელიც პოლიტიკურად ანგაჟირებული არ არის. მომავალი იურისტი ვარ, რაც ჩემ გარშემო ხდებოდა, ჩავაბარე, იურიდიული და გადავწყვიტე მხოლოდ იმიტომ, რომ ჩემი თვალით ვნახე ის სიბინძურეები რაც ხდება, ჩემ თავზე განვიცადე უსამართლო, უსაფუძვლო ბრალდებები, რაც ისმოდა ჩემი და ჩემი ოჯახის წინააღმდეგ. ჩემი ცოდნით, ჩემი გამოცდილებით ეს საქმე მინდა ბოლომდე მივიყვანო. პირველი დღიდან დღემდე ჩემი ოჯახი სიმართლით იბრძოდა. დამიჯერეთ ბატონო მოსამართლე, ერთადერთი მხარე ვისაც შეეხო ეს ამბავი ვინც ე.წ. ჭეშმარიტებისთვის იბრძოდა, გამოჩნდა ცუდად მხოლოდ იმიტომ, რომ მედიასთან არ ვთანამშრომლობდით და ბრიფინგებს არ ვმართავდით. როგორც ჩანს, ბევრმა ამით ცუდად ისარგებლა. საბოლოო ჯამში, ყველაზე ცუდ სიტუაციაში ჩაგვაგდეს ჩვენ, გარდაცვლილებს არ ვგულისხმობ. მამაჩემი 8 თვე ციხეში იყო, წელიწადნახევარი გარეთ ვერ გამოვდიოდი, ამის მიუხედავად, ჩაბარება შევძელი. დედაჩემი ცალკე ცუდად იყო ჩემები. ამის მერე პროკურატურამ სიურპრიზი გამიკეთა და სასამართლოსკენ მიმავალი დამაკავეს
ბატონო მოსამართლე თქვენაზეა დამოკიდებული, როგორ გაგრძელდება ჩემი ცხოვრება, მაგრამ ფაქტი ერთია, დანებებას არ ვაპირებ“
კომენტარები