ირაკლი კუპრაძე, “ლელოს” წევრი ბათუმიდან, “ტვ პირველთან” ამბობს:
“ბათუმი არის ნაცრისფერი და ბეტონის ჯუნგლების სახის მქონე. ბოლო 20 წელია მშენებლობების ქაოტურმა ბუმმა, განაშენიანების გარეშე გამოიწვია ეს სახე. ამ ქალაქში ყველა მეორე სახლში ჩემი მეგობრები, ახლობლები, კლასელები ცხოვრობენ და ყველა მომდევნო სახლი ასეთ მძიმე მდგომარეობაშია. შეხვალთ ძველ აშენებულ კორპუსებში და ნახავთ დაბზარულ “სინკარებს”, სადარბაზოებში დეფორმირებულია კიბეები. სჭირდება შესწავლა და სასწრაფოდ გამაგრების ღონისძიებების დაწყება. წინააღმდეგ შემთხვევაში, რაც არ უნდა ვიძახოთ, ამის შეცდომაა, იმის შეცდომაა, დავინახავთ, რომ ჩვენ გვერდით ადამიანები დაიღუპებიან.
დღეს ბათუმში ყველაფერი იყიდება, ყველაფერი შეგიძლია იყიდო, ნებართვა, კოეფიციენტი და დააშენო რამდენი სართულიც გაგიხარდება. მხოლოდ და მხოლოდ მინიმალური ჯარიმებით, რომლებიც წინასწარ აქვთ მშენებლებს გათვლილი. 2000 და 3 000 ლარი მათთვის არაფერია, უზარმაზარ მოგებებზეა საუბარი. დღეს ეს არის დასრულებელი, წინააღმდეგ შემთხვევაში, ბათუმი ზის ბომბზე, რომელიც ერთ დღეს შეიძლება აფეთქდეს და ჩაგვიტანოს.
იმუშაონ მაშველებმა, პოროფესიონალებმა, მაგრამ ამაზე ყველამ უნდა ლაპარაკობდეს, რომ ხვალ იგივე არ განმეორდეს.
პასუხისმგებლობას ვაკისრებ წინა, იმის წინა და ახლანდელ ხელისუფლებას, თუმცა, სრული ადამიანური განცდით ვარ სოლიდარული, პირადად თორნიკე რიჟვაძის მიმართ, მაგრამ ამის შემდეგ უნდა დასხდნენ ჩვენთან ერთად ამ თემებზე სასაუბროდ, თორემ, ეს სოლიდარობა შეიძლება იქცეს მძიმე ბრაზად და აგრესიად, რომელსაც ისინი მიიღებენ. დღეს უპირობო სოლიდარობას ვუცხადებ, ხვალ და ზეგ ველოდებით მათგან ქმედით ნაბიჯებს.”
კომენტარები