2021 წლის ნოემბრის მონაცემებით, კომერციული ბანკების მიერ დასაკუთრებულმა ქონებამ 271.2 მლნ ლარი შეადგინა. აღნიშნულის შესახებ ეროვნული ბანკის “საფინანსო სექტორის მიმოხილვაშია” ნათქვამი.
მიმოხილვის თანახმად, წლიურად ბანკების მიერ დასაკუთრებული ქონების ღირებულება 22,6 მლნ ლარით გაიზარდა. კერძოდ, 2020 წლის ნოემბერში ეს მაჩვენებელი 248.6 მლნ ლარი იყო.
ამასთან, სებ-ის 2021 წლის ნოემბრის მონაცემებით, ჩამოწერილი სესხების მოცულობამ 24.2 მლნ ლარი შეადგინა, მაშინ როცა 2020 წლის ამავე პერიოდში 28.6 მლნ ლარის ოდენობის სესხის ჩამოწერა მოხდა. გარდა ამისა, საფინანსო სექტორის მიმოხილვის თანახმად, ნოემბერში 31.9 მლნ ლარის მოცულობის ჩამოწერილი სესხის ამოღება მოხდა, 2020 წლის ანალოგიურ პერიოდში კი ეს მონაცემი 6.4 მლნ ლარი იყო.
კომენტარები