ალეკ ბოლდუინი მორიგ სკანდალში გაეხვა – ჰოლივუდის მსახიობს ავღანეთში დაღუპული ვეტერანის ოჯახის წევრები სასამართლოში უჩივიან.
20 წლის რაილი მაკკოლუმი 13 სხვა ჯარისკაცთან ერთად ავღანეთში 2021 წელს, ქაბულში მომხდარი აფეთქებისას დაიღუპა. ბოლდუინი სოციალურ ქსელში გარდაცვლილის დას, როისს დაუკავშირდა და დახმარება შესთავაზა. მსახიობმა მაკკოლუმის ქვრივს $5000 გადაურიცხა.
მოგვიანებით, ბოლდუინმა ფოტო გამოაქვეყნა და აგრესიული პოსტი დაურთო, სადაც გარდაცვლილი სამხედროს და, კაპიტოლიუმზე შტურმში მონაწილეობაში დაადანაშაულა.
“შენი ძმის ოჯახს დავეხმარე, იმიტომ რომ ის ნამდვილი გმირია, არ ვიცოდი რომ 6 იანვრის არეულობის მონაწილე ხარ, შენი მიიღე მონაწილეობა იმ დესტრუქციაში, რომელსაც სამართალდამცავის სიკვდილი მოყვა”.
ჯარისკაცის და აცხადებს, რომ ის საპროტესტო აქციაზე იმყოფებოდა, თუმცა კაპიტოლიუმზე თავდასხმაში მონაწილეობა არ მიუღია. ოჯახის თქმით მსახიობის არასწორი განცხადების გამო დაზარალებული სოციალურ ქსელებში ბულინგისა და მუქარის მსხვერპლი გახდა. გარდაცვლილი სამხედროს ოჯახი მსახიობისგან, მორალური ზიანის ასანაზღაურებლად 25 მილიონ დოლარს მოითხოვს.
კომენტარები